الله عليك يا دكتور محمد يا زعيم السميعة
وحامل مفاتيح كنوز الضرب القديم
اسطوانة في منتهى الروعة والجمال
النقد صريح والضرب هنا كله تحت الحزام وعلى عينك يا تاجر
وأغب الظن أن الكلمات لبديع خيري كما قال حبيبنا الدكتور عصمت
وإليكم كلمات الطقطوقة اعتماداًعلى السماع السريع
ومعذرة لضيق الوقت ووجود بعض المشاكل في الصوت عندي
إحنا الدكاترة بتوع زمان
لا دبلومة ولا بدنجان
أهو قبل ما نعمل عملية
للعيان نكتب له وصية
سولوفات كشوفات كلورات كوتافات
شرابات لباسات ما اعرفش إيهات
كلها وحياتك انت أونطة
اللي يقع في إيدينا مسكين
نبعته على طول ع المجاورين
على إيه كوكايين مورفين
دوزبين فازلين زبلين
كل ده ترقيع في العيانين
أغلب وصفاتنا للعيان
نركب دود نسلخ في جلود
برشامنا بارود تربيطنا صبغة يود
بايدينا ما في غير ويسكي وبرمود
في الظاهر حكمة حبرتية
وحقيقتنا احنا حانوتية
لو جانا عيان مضروب ضربة
مطعون حربة ولاده ظاربة
ح نقول له إيه خد لك شربة
الحرب خازوق ده جننا
الحرب خد اغلب زبايننا
بدال ما كانوا يموتوا في خنادق
كانوا ييجوا يموتوا في عيادتنا
يا اللي مضروب نبوت
يا اللي أصله مرفوت
يا اللي مش لاقي القوت
شرفنا اذا كنت عايز تموت