يا اللى انتوا خلانى
محمد قنديل
يا اللى انتوا خلانى .. تعبتوا ليه قلبى ؟
لو جيت لكم تانى .. ذنبى على جنبى
أفوت على حيّكم فى كل يوم نوبتين
و اسأل على حبكم .. و برضه مش سألين
ما كانش دا طبعكم .. و لا كنتوا يوم خاينين
ايه اللى نساكم ؟ مين اللى قساكم
تعبتوا ليه قلبى ؟
ما كانش و الله العشم يا اللى وحشتونى
يبان عليا الألم و الدمع فى عيونى
و يبقى حالى عدم ما تجوش تعزونى
ايه اللى نساكم ؟ مين اللى قساكم
تعبتوا ليه قلبى ؟
نسيتوا ليه ودكم و ايه جرى ليكم
دا القلب فى بعدكم دايماً يناديكم
و لا خنت يوم عهدكم و لا عبت يوم فيكم
ايه اللى نساكم ؟ مين اللى قساكم
تعبتوا ليه قلبى ؟
_____________________________________
الإشراف : موجودة هنــــــــا وبجودة أفضل ، التحميلات [235]