دى مشاركة استثنائية
للأدباتى منى هدية
قبلة سلام ويا تحية
لكل اللى معانا فى السهرة
الله الله يا بدوى جاب اليسرا
دا عيد ميلاد غالى لأنه
لحمدى اخويا عاشق فنه
اكتوبر خمستاشر منه
شهر العظماء ياللى ما تدرا
الله الله يا بدوى جاب اليسرا
ياحبيبى كل سنة وانت
طيب كدا زى ما انت
الذوق مع الواجب انت
مخلص وبتصون العشرة
الله الله يا بدوى جاب اليسرا
عقبال يارب سنين ميه
تقضيها فى عيشة هنية
بنفس جميلة ومرضية
دايما تروق لك العكرة
الله الله يا بدوى جاب اليسرا
وتعيش لما تشوف محمود
وفاطمة لما يبقوا جدود
ودايما مع أم محمود
ما تشوفوا غير أيام سارة
الله الله يا بدوى جاب اليسرا