[وائل علوي]

استاذ عادل تحية طيبة وللاخوة جميعا سلام الله عليكم
استاذي عندي اقتراح بسيط وهو شرح مبسط لما يكون المفتاح 4 ديز لما لهذا الدليل صعوبة يواجهها المبتدأ والمتقدم احيانا كما هو الحال في اغنية شام يا ذا السيف
بحيث تتناول كل حرف من الاربعة ديز وتوضح اسمين النغمتين الي بيتعزفو عليه
اديك مثال للتوضيح ( الصول ديز مكانها لا بيمول او هي نغمة لا بيمول) ( والري ديز تعزف مكان المي بيمول )
( واللا ديز تعزف مكان السي بيمول ) ,,,,وهكذا
لكي يستفيد المبتدأين من صعوبة هذه النغمات خصوصا لو حبو يعزفو غربي
وليا طلب بسيط وهو تحويل نوتة فوق غصنك يا لمونة على درجة فا
وانا عاجز عن شكرك على يا حبيبي لا تقل لي وعلى الاعمال العبقرية التي تذهلنا بها
فعلا مع عادل صموئيل مفيش مستحيل وممكن عزف المستحيل

اخى العزيز
مشكلة اللحن لما يكون 4 دييز بيبقى للمحترفين فقط يعنى صعب جدا كمان على المحترفين الهواة او المبتدئين صعب يعزفوه وهو معروف طبع ان مثلا صول دييز هى لا بيمول بس انا لوقلت كده حعمل لخبطة فيه شىء خطير جدا عايزك تسمع شام ياذا السيف وتركز فيها اوى كذا مرة مع شغل الكمنجات فى المقاطع اللى فيها 4 دييز .. تحس ان مع انها فرقة فيروز يعنى بس الجزء ده تعبهم وتحسهم بيعزفوا وهم مترددين مش بنفس القوة بتاعة من اول الحن وتلاحظ ان الاكورديون هو اللى بيسحبهم .. وده يدل على ان ال4 دييز صعب برضو ع المحترفين مش بيطلع نقى فى الكمنجات بالذات ولذلك تلاقى نادر جدا جدا ان تلاقى ملحن بيغامر ويعمل فيه حتة .. وعن الرحبانية اقول لك سر بس ماتقولش لحد هم عندهم الاكورديون اساسى بيسحب اللحن من اوله لآخره يعنى بيتكل عليه عشان يدارى العيوب وبيبقى مالى يعنى لكن عندنا الاكوردين بيقول الصولو ويسكت لذلك الملحن بيتفادى طبعا نه يحط الكنجات فى المزنق ده .. اما شام ياذا السيف ..الاخ العزيز منذر طلب الاول بالغار كللت ياشام وفيها جزء صغير جدا فيه 4 دييز وهو عزفها وحسيت انو مبسوط منها بعدين طلب شام ياذا السيف انا قلت مادام شغالة معاه اعملها له مع انو ماردش يعنى عجبته ولا لأ .. ختاما اشكرك على كلامك الجميل
مع اطيب تحياتى