[wahidfarid]

شكرا جزيلا أخي منذر

طبعا انا اشكر الاخ العزيز منذر على مجهوده يعنى هو كده ريحنى انا من البحث لنه عندنا فى المنتدى عشان الموضوعات متشعبة ومتنوعة جدا محتاجة وقت طويل اوى وانا طريقتى فى حياتى يعنى مش بكون قاعد مستريح لما يكون اى اخ منكم محتاج حاجة يعنى كنت حانتظر لبكرا واحاول اوجد مكانها .. ومشكلة البحث هنا انى لو طلبت اوقاتى بتحلو مثلا لوردة .. حيفتح لى عدد كبير من الصفحات اللى فيها كلمة من الثلاث كلمات لذلكانا دايما بطلب منكم الملفات الصوتية عشان الوقت اللى بضيعه فى البحث اكون كتبت نصف صفحة وانتم الكسبانين طبعا وانتظروا التحفة القادمة لوردة وخليك هنا ماتروحش بعيد وارجو الاخ وحيد يشوفها ويقول رأيه لو فيها حاجة
ليا رجاء عند الاخوة الاحباء فى تونس .. الاخت العزيزة زينة الغريبى وهى شخصية ليها منزلة كبيرة عندى ومن الاعضاء الشاطرين اوى اوى كانت طلبت اغنية بودعك وطلبتها اوى يعنى لذلك مع انها اغنية صعبة جدا وانا كنت بقاوم نفسى اكتبها ولما طلبتها زينة تحديت نفسى ودونتها .. واكتر حاجة بتسعدنى لما شخص عزيز عليا اوى بيطلب حاجة بيكون بيحبها لما يشوفها ويرد انو سعيد بيها وانا نزلت النوتة من فترة بقت طويلة والاخت زينة مادخلتش انا قلقت عليها بصراحة لأنها من مجموعة الدول اللى مش مستقرة زينا ارجو اى حد من الاحباء فى تونس الحبيب لو يعرف تليفونها او يقدر يتواصل معها بأى طريقة انو يطمننا عليها كذلك اخى الحبيب جدا دكتور وسام اكرم من بغداد اتمنى هو يطمننا عليه والف شكر
مع اطيب تحياتى عادل صموئيل