[عادل صموئيل]

احبائى

اولا اشكركم على السؤال عنى وانا بخير ولكن عندى ظروف
اول شىء كنت بجدد رخصة سيارتى فى اسوأ ادارة مرور فى مصر وهى ادارة السلام واستغرق الامر يومين من اسوأ ايامى كل سنة , والحمد لله خلصت , وثانيا سيارتى عشان مش بخرج بيها كتير راكنها دايما اولا بسبب المظاهرات والقرف وثانيا عشان انا ع المعاش مش بخرج بيها كل يوم زى زمان حصل فيها كام عطل من قلة الاستعمال والحمد لله يعنى تقريبا يعنى اقول اتعملوا .. والمشكلة الجديدة ان بطاقتى الشخصية ضاعت وبطلع غيرها ومتاخرة شوية عشان الانتخابات طبعا .. زائد شوية برد من التقلبات الجوية زائد النت بيقطع كتير مش عارف ليه .. بس انا فى كل الاحوال برضو بحاول اشتغل يعنى بشتغل شوية فى بفكر ف اللى ناسينى وانتم طبعا عارفين هى صعبة اد ايه .. يعنى دونت المقدمة الموسيقية كما هى وهى صعبة جدا زى ماطلبتم لكن توقفت عند الكوبليه الاول فى الموال بعد ما ابتديت اكتب فيه وتوقفت كثيرا حسيت انو مش ممكن يتكتب وححكى لكم السبب لما انزلها ان شاء الله بس طبعا بعد الانتخابات ...
واكرر شكرى لكم وانا طبعا ما اقدرش استغنى عنكم يعنى انا معتزل الشغل من فترة والمنتدى هو متنفسى الوحيد
مع اطيب تحياتى