[د.حسن]

الفن هنا .. والمغنى هنا
من قبل ماحد يقول ياغـُنا
والحب قمر ع الدنيا ظهر
نوّر للناس واتوصى بنا

سميعة أباً عن جدٍّ
من يومنا تسمعنا ندندن
والفن عرفناه وعرفنا
وعلى الأوتار ياما عزفنا
من قبل الدنيا ماتتمدن
ليالينا غنا أيامنا غنا
وفى وقت الجد عمل وبُنا
والحب قمر ع الدنيا ظهر
نوّر للناس واتوصى بنا

حبِّيبة والحلوة حبيبة
عرسانها عِترة وكسيبة
دا المصرى ولد مافى زيّه ولد
إسم على مُسمى لأحلى بلد
مجدع ولا يعرفشى العيبة
ويقول لك انا ليالىّ غنا
وفى وقت الجد عمل وبُنا
والحب قمر ع الدنيا ظهر
نوّر للناس واتوصى بنا

سهيرة بنحب الحواديت
فى ليالى الصيف قدام البيت
حب المغنى بيجمعنا
والنغمة الحلوة تمتعنا
على صوت المُنشد والصييت
ليالينا غنا .. أيامنا غنا
فى رفح وسوهاج فى رشيد وقنا
والحب قمر ع الدنيا ظهر
نوّر للناس واتوصى بنا

عبدالسلام أمين
سيد مكاوى

مع تحياتى