[د.حسن]

المشاركة الأصلية كتبت بواسطة ibrahimhefny

معذرة يا حبيب الكل ، على هذا التعب ، أعطاك الله الصحة والعافية صحح لى من فضلك بقى إسم أغنية ثلاثى النغم ! الإسم الصحيح ( الأوله آه )

لكى لا أنسى : هناك صورتان فى الإقتباس فلا تضع أكثر من صورتين

تعبكم راحة أخى الحبيب الغالى أ. إبراهيم حفنى
بالنسبة لأغنية ثلاثى النغم (مارأيكم فى أسمائهم فوق ؟)
تبدأ بـ الأولة لا وتنتهى بـ الأوله آه
وهذه كلماتها لمن يصعب عليه اللهجة الصعيدية

الأولة لا والتانية لا والتالتة لا والرابعة لع
أنا زى ما جيت ح ارجع
ياوابور الساعة 12 رجعنى يابوى رجع
من ستات البلد دى أنا عقلى خلاص ودّع

الأولة يابوى
سنيورة يابوى مطيورة دايرة ع الدكاكين
مشغولة وشغلانتها شارع ستة وعشرين
حرّانة ومخها سايح م الوقفة ع البتارين
ولا حد إستنفع منها فى الدنيا بولا ملين
إلا بتوع الجلاطة وبتوع الأسبرين

والتانية يابوى
مناخيرها على فوق قال يعنى ذوات
الناس من طين وهى من تين وبلح أمهات
والخرّاط إللى خراطها خراطها وإتمدد مات
طلعت سهلة الطعمية وتقول إيه دا كرّات ؟
ومامتها كانت بتبيعه قبل ماتبنى العمارات

والتالتة صبية حليوة ويابوى باربع عيون
وسط الرجالة راجل إيه يعنى المنطلون
تتكلم فى السياسة والفلسفة والقانون
إنما أول ماتدخل عند الحلاق فى صالون
تتشقلب لك ياعينى جارية فى حريم هارون

والرابعة يابوى دى فتوة وعيونها مكحلين
وعيونها مايملهاش عنتر ولا جيمس دين
تشرب مغات وبتضرب روسية وسكاكين
يابهية وخبرينى يابوى ع إللى قتل ياسين
والله ماقتله إلا هى بوابة العطارين

الأولة آه والتانية آه والتالتة آه والرابعة أواه

الأولة واستنينى ياام الخير فى الصعيد
والتانية إتلقفينى يابوى عند السكة الحديد
والتالتة وحياة دينى جايب لك توب جديد
والرابعة إتجوزينى يابوى ماتهملنيش وحيد
ماتهملنيش لع لع لع لع
أنا زى ماجيت ح ارجع
ياوابور الساعة 12 رجعنى يابوى رجع
من ستات البلد دى أنا عقلى خلاص ودّع

أهديها للأحباب للسمع أثناء القراءة
مع تحياتى