[عادل صموئيل]

الاخ العزيز مازن
اولا اشكر محبتك
انا كواحد اولا كمدرس موسيقى وثانيا واحد من المدونين المتواضعين طبعا اكيد لازم اهتم بالموضوع اقل شىء لأنه مكمل لشغلى ومجهودى يعنى انا بدون النوتة واتمنى ان اكبر عدد من المبتدئين انهم يعزفوها

انت زى ما قال الاخ نزار ممكن تتعب شوية وتقدم شرح تفصيلى عن الموضوع لنه هو زى ماقال هل الموضوع متعلق بنغمة دو ( ده معناه انو ماعرفش يوصل للموضوع بالكامل ) وحضرتك قلت انو يتعلق بجميع النغمات والايقاعات وده استلفت نظرى

لما حضرتك تقدم لنا شرح تفصيلى لأن كلامك يدل على ان البرنامج موجود عندك بعدين تقول لنا البرنامج كبير حجمه اد ايه ... واذا تعدى الامكانيات المسموح بيها فى تنزيل الملفات المضغوطة فى المنتدى ممكن تقول لنا على الموقع واللى يحتاجه ممكن ينزله عن طريق التورنت وده عادى حتى لو ملف حجمه خمسة جيجا مثلا ... المهم الشرح الاول
ومن الشرح اللى حايقراه ناس كتير مبتدئين ممكن ما يقدروش قيمته وخبراء ممكن يقتنعوا ويروجوا للموضوع وساعتها نتكلم ازاى ممكن يستفيد منه الجميع
انا آسف للإطالة لكن احنا كلما هنا هدفنا خدمة بعض ... والعلم مالوش حد ولا كبير .. يعنى انا متخرج سنة 70 ممكن اللى متخرج بعدى بفترة يكون درس حاجة جديدة فى العلم اكون انا ماعرفش عنها حاجة او اكتشفوها ودرسوها بعد ما انا اتخرجت وبالطبع اهتم بالأبحاث لأنهم مكن يوصلوا لشىء مفيد او على الاقل يبسطوا شىء معقد تخلى ناس اكتر يستفيدوا منه

مع اطيب تحياتى عادل صموئيل