[muhamadibra]

عادل صموئيل

احبائى

اقدم لكم اغنية صباح

بيقولوا لى توبى

من درجة الرى كما طلبتم

مع اطيب تحياتى
هي اسمها المتعارف عليه زي العسل وبدايتها - قابلت كتير فرشولي عشاني الارض حرير وشفت كتير ولا شفتش زي حبيبي امير - زي العسل علي قلبي هواه ...................انا تأكدت الان = ارجو لو لنا مخطئ تصلحوا لي لكي نغير العنوان بعد اذن المايسترو الخدوم المعطاء للجميع فله مني كل الشكر والعرفان طبعا كلامي للاستاذ عادل باشا صموئيل
د محمد ابراهيم

اخى العزيز
انا عايز اقول حاجة
ايام الفرقة الماسية كان احمد فؤاد حسن مش بيحب يتعامل مع صباح لسبب خطير جدا انها كانت بتيجى من لبنان قبل الحفلة بيومين ومعلهل 16 اغنية مكتوبة بالقلم الرصاص ومتصورة والصورة متصورة من صورة كذا مرة ( يعنى االنوت بيصوروها من بعض كل حفلة لذلك بيبقى خط الكتابة ردىء جدا والتصوير ردىء جدا الخلاصة بيبقى شكل النوت بتاعها مقرف وجايبة 15 اغنية صغيرة وبتعملهم فى حفلة واحدة لذلك هو كان بيخاف لا نغلط فى القراؤة من سوء شكل النوت يعنى انا مثلا لو فيه ورقة وحشة وانا اتصرفت وعرفت عيبها لكن فى بروفة واحدة ممكن ف الحفلة انسى اللى فهمته .. الخلاصة كلمة الاغانى الصغيرة الكتير بحيث انك ماتعرفش لاعددهم ولا مضمونهم يعنى عندك فايزة او وردة مثلا الاغانى بتاعتهم كلها متميزة الاسم ومحفوظة يعنى نقول اغنية كذا
اما اللبس الخطير مع صباح ان لها 3 اغانى فيهم كلمة زى العسل والاغنيتيتن اللى بتكلم عليهم هنا ما ينفعش اخلى اسم واحدة منهم زى العسل لأن فيه اصلا اغنية ثالثة انتم نا سيينها اسمها زى العسل
الكورال بيوقل زى العسل 3 مرات الحب قال زى العسل هى تدخل تقول مين اللى اللى قال زى العسل الحب نار مش عسل سمعتوها ؟ لذلك انا بعمل الصح بمعنى انت لو قلتى لى اغنية زى العسل حقول لك دى ولا دى ولا دى
لذلم خليتها بيقولوا لى توبى عشان تبقى الاغنية محددة بس خلاص على فكرة تعبتونى
مع اطيب تحياتى عادل صموئيل