[عادل صموئيل]

الى الاخ العزيز eagleeast وارجو اختار لك اسم حركى عربى عشان بتعب لما بضغط اقلب اللغة

اليك اغنية

بلدنا

بتاعة لؤى وانا الاغانى الحديثة ان شاء الله حايرفدونى من المنتدى
المشكلة فى تدوين الاغانى دى يعنى لما تسمعها تلاقى تقريبا تفعيلة واحدة او هى وواحدة متاخدة منها ماشية تلف وتدور طول الاغنية بتزهق اللى بيدون لن اللى بيغنى بيلعب فى حروف فيها بيلخبطنى
ولو كان عبد الوهاب موجود كان قال ايه على مطربين الايام دى ؟

هو ماسمعهمش اصلا بس كان حيقول حاجة زى اللى حقوله
عارف لما يكون عندك عربية بتحدف يمين او شمال ومحتاجة ضبط زوايا عجل ؟ او عندك انبوبة بوتاجاز منفسة بتنفس غاز ؟
اهو اللى بيغنوا دلوقتى ( وما اقدرش اقول مطربينعليهم اقول اللى بيغنوا لأن المطرب ده يعنى زى بتوع زمان ايام الطرب )
اللى بيغنوا دلوقتى صوتهم بيحدف او بينفس ( والمصطلح د انا اول واحد اخترعته عشان مايتسرقش ) بمعنى هو المفروض بيغنى صول تلاقيه بيحدف على اما فا او فا دييز او لا او لابيمول او نغمات بينهم مشموجودة فى الموسيقى
اما المطرب المطرب لازم تكون نغماته النغمة غارزة فى الودن طول النخاة يعنى مايختلفش اتنين على انها صول او فا
والاخطر لما بيعمل قفزة كبيرة يعنى من دو الى دو اوكتاف مثلا او اكتر او اقل تلاقيه بيحط النغمة فى مكانها بدون اى شبهة انها حاجة تانية
الله يرحمهم

مع اطيب تحياتى