[سليم العباس]

اعذر فضولي أستاذ عادل لكن من هو الفنان ( ...... ) الملك .
أنا محتار بين اثنين :
محمد منير أو جورج وسوف !
هل عاصر أحدهما عبد الحليم ؟



اخى العزيز
اللى بتكلم عنه محمد منير .. ايام عبد الحليم كان لسه طالع جديد
مرة فى احد الافلام اعتقد اسمه احلى الاوقات مش عارف ليه المخرج اذاع فى الفيلم اغنية الدنيا ريشة ف هوا لسعد عبد الوهاب بعدين خلى محمد منير يغنيها فى كارثة من اسوأ الكوارث الغنائية من ايام نكبة البرامكة ... المهم شوف السلاسة والروعة اللى بيغنى بيها سعد عبد الوهاب الاغنية يعنى بيغنيها تقريبا فى نصف قوته ونصف مساحته الصوتية كان واحد قاعد مستريح وبيشرب فنجان قهوة ولما غناها محمد منير تحس ان الاغنية مع انها سهلة جدا انو بيصارع فى جبل يعنى لما بيقول فى هوا تحسو بيسحب وراه 2 طن وبعدين بيغنى والمساحة الصوتية بتاعته خلصت فى الجملة راح نازل اوكتاف يعنى اقل واحد بيغنى فى قهوة مش فى الاذاعة ممكن يغنيها احسن من كده 100 مرة ... اما مشكلة جورج وسوف انو غبى ( معلش انا محايد بس تعاملى مع العمالقة خلانى حلو فى حاجات وحاد جدا فى حاجات ) اى عملاق من المعالقة بيبقى اغلى شىء بيمتلكه صوته وده ثروة اعطاها له الله ومش ملكه ولكن ملك الناس اللى بتسمعو .. كان كل فنان بيحافظ على صوته يعنى حتى كبر السن وعوامل التعرية ما بتأثرش فى صوته لأنه بيحافظ على صوته مش بيشرب لا سجائر ولاخمور وينام بدرى ومايتعرضش للبرد ... لكن لما مطرب صوته حلو بعدين يشرب مخدرات وكل شىء يدمر الصوت بعدين صوته يصبح كصوت المنشار وفى فيه فرق بين خامة الصوت لما يكون اصلا اجش زى محمد عبد المطلب لكن سبحان الله فيه طرب مش فى الدنيا وفرق بين واحد صوته حلو ويفسده .. وكمان يغنى اغنية لعبد الحليم وشوف نعمومة صوت عبد الحليم اللى زى الحرير ويغني لو اغنية واحد صوته مثل صوت المنشار لما ينشر الخشب ... كان زمان زى ماقلت سابق فيه نماذج اللى بيغنى بيتحاسب على درجة منها لكن دلوقتى تسمع اصوات مقززة مش تنفع للغنا ولكن تنفع فى السوق تنادى على البضاعة وبرضو وحشة
مع اطيب تحياتى عادل صموئيل