[عاشقة العود]

المشاركة الأصلية كتبت بواسطة hamorabib

ارجو عدم المؤاخذة استاذ عادل من تكرار الطلب, وكلي امل بسعة صدرك , ووسع افقك مع علمي بضيق وقتك وكثرة انشغالك , اني ارجوك بعدم اهمال طلبي لنوتة اغنية السيدة فيروز " احبك مهما اشوف منك " ولك مني دائما خالص الشكر والتقدير.
اخى العزيز
انان بحب فيروز جدا ومش ممكن اهمل الطلب لكن مشغول حاليا بتدوين اغنية ميادة الحناوى نعمة النسيان طلبتها منى الاخت العزيزة عاشقة العود والاغنية دى صعبة جدا جدا يعنى انا ماشى فيها ببطء السلحفاة من كتر صعوبتها والحمد لله تقريبا خلصت اكتر من نصفها بس اخلص منها لنى كنت اول مرة اسمعها عشان كده بتحتاج وقت عشان استوعبها
وعايز اسأل هل اللحن ده من تلحين رياض السنباطى ؟ لأنو لو مكانش 99% من تلحين رياض السنباطى يبقى الملحن سارق روح السنباطى
مع اطيب تحياتى وماتقلقش عادل صموئيل

كل تقديري واحترامي لحضرتك استاذ عادل غلبتك معاي والله يطول بعمرك . وكيف بعرف عن ملحن الاغنية هو عازف الاكورديون فاروق سلامة...
مع اطيب تحياتي

الاخت العزيزة
اولا انا من نوعية الطلب بحس بقدرة الطالب يعنى اللى يطلب لحن صعب جدا جدا زى ده اكيد بيكون شخص متمكن اوى مش حد عادى .. يعنى مثلا كان ممكن حد يكتفى بطلب المقدمة كنت ادونها لو فى نصف ساعة لكن لما بنوصل للكوبليه الثانى فيه شغل جامد جامد جامد بمعنى الكلمة يعنى انا بشتغل شوية لحد ما البنزين بتاعى بيخلص واقفل وارجع اكمل بس انا مش تعبان يعنى اكيد انا بحتاج انى كل فترة اكتب شىء صعب بالفظاعة دى عشان مخى يفضل يشتغل وانا اهم ممتلكاتى مخى وخبرتى طبعا يعنى انتى لو متابعة كل كلمة بكتبها فيه ساعات حد بيطلب اغنية وانا بقول لو انا كتبتها بمسافة ماشربت كوب متوسط الحجم من الشاى يعنى عشرين دقيقة ... بس انا لو استمريت اكتب اغانى سهلة انا نفسى حابقى خايب يعنى لياقتى فى الشغل الصعب اللى انا متخصص فيه حاتقل كتير وبرضو اتعملت من العمالقة ان الوصول الى القمة سهل لكن البقاء على القمة اصعب شىء يعنى لازم كل فترة اكتب شىء صعب يخلى مخى يشتغل لأقصى درجة والنقطة دى مش ليا انا فقط ده ليكم انتم كمان يعنى لازم تعزفوا نوت سهلة ونوت صعبة وإلا مستواكم حاينزل بمرور الوقت بس فيه حاجة صدمتنى هل انتى متأكدة ان اللحن ده لفاروق سلامة ؟ يعنى من مصدر موثوق به ؟ اصل انا بخيرتى فاروق سلامة عمرو ما يعمل لحن بالفظاعة دى هو كل شغله شغل سوق وكان متجوز مطربة من الدرجة الثالثة ( انا كنت بزورهم فى بيتهم بس ناسى اسمها ) وماشاء الله عمل لها شوية اغانى من اتفه الاغانى اطلاقاً وكانت بتشتغل بيهم فى كام فيلم هابط وبتغنيهم ايام كباريهات شارع الهرم زمان وكان الناس هناك طبعا رايحة تتفرج ع الرقص وتسكر يعنى مش بيسمعوا اصلا .. اللى خلانى اقول ان اللحن ده 99% السنباطى لان فيه نكهة السنباطى المتميزة يعنى كان لو جمل معينة بيستعملها دايما بس بيشكل فيها من اغنية لخرى عشان ما يبقوش شبه بعض والنكهة دى زى ماتكونى حافظة رائحة بارفان متميز واول ماتشميه توقولى كذا او تمرى على محل كباب ورائحة الكباب ما يختلفوش عليها اتنين ان شاء الله يعنى بشتغل فى اللحن انا فى نصف الكوبليه التانى تقريبا
مع اطيب تحياتى