[عادل صموئيل]

الاخ العزيز احمد الجوداى

انا بيسعدنى جدا اسئلة الاخوة الاحباء واللى عادة بتكون ممكن تفتح مواضيع مثمرة

الموسيقى على ايمان كان لازم يكون عنده المام بكل شىء يتعلق بالموسيقى يعنى انا لما اعزف لحد ماتوسل الاغنية للسمتع
يعنى لازم يكون يعرف فى المونتاج وفى التسجيل وايه الفرق بين طرق التسجيل المختلفة فى الاستوديو

يعنى الفرقة الماسية وفرقة ام كلثوم كنت تاخد منهم احلى شغل فى كل شىء لسبب ان رئيس او قائد الفرقة مسؤول وبياخد باله من كل شىء .. ولما فى الحفلة او التسجيلات اولا لازم طقم التسجيل بتاع الاذاعة يكون على اعلى درجة من الكفاءة
يعنى فيه فرق اخرى تلاقى مهندس الصوت فى الحفلة مش ضابط الصوت كما ينبغى او حاطط ميكروفون ردىء او عطلان عند عازف الرق مثلا تلاقى كأن الرق ماجاش الحفلة اصلا يعنى كذا مرة اخوة ينزلوا لى ملفات صوتية لفرق اخرى
عشان ادونها انا اهم شىء عندى لازم اسمع الدوم اللى بيحدد لى كل مازورة عشان اكون مستريح وفاهم الموسيقى لما الدوم ماتكونش موجودة بيحصل لى قلق لأنى بقعد اسمع المازروة خمسين مرة عشان احدد جوا المازورة ايه
فيه حاجة تانية عندك البريما فولتا والسكوندا فولتا لازم يكونوا موجودين على التسجيل كل ما تيجى
احمد فؤاد حسن كان زى الصقر يعنى لو حصل ان واحدة منهم طلعت مش 100 % بيحرص انو يعيد جزء من الكوبليه من مكان ما بحيث يبقى فيه البريما والسكوندا دول واللى غلط ياخد بالو .. بحيث ان فى المونتاج يشيلوا الحاجات اللى مالهاش لازمة .. رؤساء فرق تانية مش بياخدوا بالهم من الحاجات دى وتطلع الحفلات معيوبة وغير صالحة للإذاعة
حاجات كتير والاسئلة بتفتح المواضيع
مع اطيب تحياتى