نـظــمــت الأشــعـــــــار
نظمت الأشعار من بحور الروايا جميع العرب تسمع لغتي
احفظت حكمة بالقلم و الدواية ظهرت معجزة بطلت صلاتي
لا تأمن الدهر باش يصبح و يمسي
أكمي على السر خذ مني الوصية لا تأمن الدهر باش يصبح و يمسي
أكمي على السر و أسمع الغرائب و أحفظ على قيس لاج كم من مدينة
سرك سريرك لا تبوح لصاحب لو كان يرضع معك الأم الحنينة
أكمي على خوك خافية المصائب من جاك توريه سبعين بطينة
ذا القول قلته جاب هولي غنايا ربيت فرخ الحنش اصبح في كساتي
ما زلت نحلف لا نورث غنايا علقت سيفي و فرقتي في حياتي
لا تأمن الدهر باش يصبح و يمسي
أكمي على السر خذ مني الوصية لا تأمن الدهر باش يصبح و يمسي
صبرت ما فادني صبر يا حنيني الصبر للمقتضى يقولوا إفادة
نأكل الطعام أخضر مع قتيلي نمشي على الدهر و الفراز عبادة
ما زلت نحلف بعهد الله إميني لا عدت صاحب نجوزه في شهادة
إن ضاق صدري من هموم وجايا نشكي لبعض الحجر بمحاني
و أن بحت بسري يشتموني أعدايا و أن بحت دركي و راحتي في اسكاني
لا تأمن الدهر باش يصبح و يمسي
أكمي على السر خذ مني الوصية لا تأمن الدهر باش يصبح و يمسي
رحلوك عليا لدار سوق الغنيمة لو كان تلبس من الحرير الصافي
ما تزرع زرع عنبر في الأرض الكريمة لا تفعل الخير غير في إلي كافي
و لا عرفتي الكريم درجة عظيمة يرفع بقدرك لو يضحى الدهر جافي
غرست بستان طرف لأهل الثنية و جميع الأثمار قلت تملأ البستان
و إدا قصدتي أقصد كبار العنايا و الصبر للمؤمنين و المؤمنات
لا تأمن الدهر باش يصبح و يمسي
__________________
"هَذَا الفَّنْ حَلَفْ : لا يَدْخُلْ لِرَاسْ جْلَفْ ! "
الناس طبايع ,, فيهم وديع و طايع,, و فيهم وضيع و ضايع .... إذا دخلت للبير طول بالك ,,,و إذا دخلت لسوق النساء رد بالك....إلّلي فاتك بالزين فوتو بالنظافة ولي فاتك بالفهامة فوتو بالظرافة ... القمح ازرعو و الريح يجيب غبارو ,,,و القلب الا كان مهموم الوجه يعطيك اخبارو.....و للي راح برضايتو ما يرجع غير برضايتي,, ,ولا تلبس حاجة موش قدك,,, و لا على حاجة فارغة تندب حظّك ,,,و ما يحكلك غير ظفرك ,,,وما يبكيلك غير شفرك