ماشي في الهوى مثقل و حرم عني المنام في ليل الظلمة
مثل التركلي مكبل فارق مولاه من سماقه بالحتمة
هذا حالي فنيت من زرق الوشمة
عقلي فارق نار جأشي مترسمة من فقد اللي هويتها زرق الوشمة
يا صحاب كيف نعمل
يا سعفا دبروا عليا كيف ندير في وصل إلي هويتها كيف انديروا
فيكم شيء من يكون فاهم بالتعبير قاري علم الهوى و يعرف تدبيره
يغدى للمغنجة باهي الشنبير عائشة ضاوي الجبين واتى تشبنيره
و نحوز القد و الصدر و تعود أمير نمسى له عبد في الحياة لا ننسى خيره
نمسى عبد و لا نحبل في طوع إلي هويتها ضي النجمة
ولفي زين يهبل ملكتني يا رفاقي سيف و رغمه
هذا حالي فنيت من زرق الوشمة
عقلي فارق نار جأشي مترسمة من فقد اللي هويتها زرق الوشمة
يا صحاب كيف نعمل
عقلي من حين شاف عيشة ما ولاش من حين شاف زينها ما ولاش
خلاتني نردف في الدموع من الأرماش مليت من النحيب و عيات ارماشي
من يوم بت أنا و هي فوق فراش و اعضاها الزينة دايره حسن فراشي
مصيت الكضم ساح دمه فوق الشاش دم بنات الملوك خضب لي شاشي
ما ننساشي جميلها ما يتخباش وصل خيار البنات ما يتخباش
ما ننسى الجميل الأول نصبر حتى يجود من بيده الحكمة
رب غايتنا يكمل ملكتني يا رفاق سيف و رغمة
هذا حالي فنيت من زرق الوشمة
عقلي فارق نار جأشي مترسمة من فقد اللي هويتها زرق الوشمة
يا صحاب كيف نعمل
عقلي محتار في شراك عيشة ما زال و عيوني غابطين ولفي ما زالوا
ما يقلبني على لقاها كثر اهوال العزمة و المكرهين في الزينة قالوا
ما يقلبني على لقاها حصن قفال و البرج الممتنع محصن بقفاله
ما يقلبني على لقاها غزر المال مال قفصه و الجريد كل بتجماله
ما يقلبني على لقاها كثر اهوال و الصيد إلي يكون ما بين اشباله
ما يقلبني على لقاها سبع جبال و الغيم اللي يتوق من فوق اجباله
يا سامع ريض و أمهل و أسمع شرح الكلام من ناس الفاهمة
قال الشاعر المبجل أسمي عبدالكريم طافح بالحكمة
نقهر ناس المغنجة سيف و رغمه
عقلي فارق نار جأشي مترسمة من فقد اللي هويتها زرق الوشمة
يا صحاب كيف نعمل
__________________
"هَذَا الفَّنْ حَلَفْ : لا يَدْخُلْ لِرَاسْ جْلَفْ ! "
الناس طبايع ,, فيهم وديع و طايع,, و فيهم وضيع و ضايع .... إذا دخلت للبير طول بالك ,,,و إذا دخلت لسوق النساء رد بالك....إلّلي فاتك بالزين فوتو بالنظافة ولي فاتك بالفهامة فوتو بالظرافة ... القمح ازرعو و الريح يجيب غبارو ,,,و القلب الا كان مهموم الوجه يعطيك اخبارو.....و للي راح برضايتو ما يرجع غير برضايتي,, ,ولا تلبس حاجة موش قدك,,, و لا على حاجة فارغة تندب حظّك ,,,و ما يحكلك غير ظفرك ,,,وما يبكيلك غير شفرك