لوما هواكم ما وجب شي صفوات
تابع رضاكم ساعفني جيت نبات
نشهر غناكم على محفل الهيفات درزي و غنايا على النساء الزغراتات
يسعد مساكم يا محفل الخوذات
فوق المعاصم على النهود و الرمقات درزي و غنايا على النساء الزغراتات
يسعد مساكم يا محفل الخوذات
أول مسايا على الحيوط و السيسان
ثاني مسايا على القفل و البيبان
ثالث مسايا على العروس و الجيران
رابع مسايا على الدار و الدولان
سادس مسايا نشهره على النسوان
سابع مسايا على العجايز و الصبيان
يبري جلايا يحفلوا بكل ألوان
لو كان ما هم حد ما قضى حجات
و يموت فاحم عند المولى يغاث درزي و غنايا على النساء الزغراتات
يسعد مساكم يا محفل الخوذات
فوق المعاصم على النهود و الرمقات درزي و غنايا على النساء الزغراتات
يسعد مساكم يا محفل الخوذات
محفل سباني عازبات بالتعجير
بارك فلان على قد الحب تسيير
معروف فلان بالقش و الحرير
فرسان أداني و خيول بالتشهير
فارس جلاني بالسلاح جاب يصير
و يحوز أحكامي و أمر للأمير
ينصب تراسم على نهودها أمرات
ليس يراهم غير من كان ثبات درزي و غنايا على النساء الزغراتات
يسعد مساكم يا محفل الخوذات
فوق المعاصم على النهود و الرمقات درزي و غنايا على النساء الزغراتات
يسعد مساكم يا محفل الخوذات
محفل أصهارا زادوا على خير ما راه
صفى لعطاره يحفلوا بكل نوار
و زين لحبارة جاتشي هنا للدار
كثرت حضارة على الملقى و التواصل
أسمي جهاره جاب عني الأشعار
و الأسم لازم مشهور في الأديان
عباس قاسم علمني في الطرقات نقرأ سلامي على الرجال و الشبان
يسعد مساكم يا محفل الخوذات
فوق المعاصم على النهود و الرمقات درزي و غنايا على النساء الزغراتات
يسعد مساكم يا محفل الخوذات
__________________
"هَذَا الفَّنْ حَلَفْ : لا يَدْخُلْ لِرَاسْ جْلَفْ ! "
الناس طبايع ,, فيهم وديع و طايع,, و فيهم وضيع و ضايع .... إذا دخلت للبير طول بالك ,,,و إذا دخلت لسوق النساء رد بالك....إلّلي فاتك بالزين فوتو بالنظافة ولي فاتك بالفهامة فوتو بالظرافة ... القمح ازرعو و الريح يجيب غبارو ,,,و القلب الا كان مهموم الوجه يعطيك اخبارو.....و للي راح برضايتو ما يرجع غير برضايتي,, ,ولا تلبس حاجة موش قدك,,, و لا على حاجة فارغة تندب حظّك ,,,و ما يحكلك غير ظفرك ,,,وما يبكيلك غير شفرك