أنا الممحون بالغرام طول الليل نبات نلاجي يا أصحاب
عن عيني حرم المنام و نعيط يا صديق لا من يواجب
أسيدي ناكر الطعام عللي ينسى الوداد و يخون الأصحاب
لعن الله من يكون خداع حبيبه و جميع الود ينكره
يسمع قول الحسود و اكلام رقيبه و حديث العار يذكره
قلبي صابر عن محنته ياتعذيبه ما يوجد من يصبره
هائم و العقل مستهام اشد عني المنام و صحبه الخايب
و الجسم افنى من السقام من وحش اللي هويتوا عن عيني غايب
أسيدي ناكر الطعام عللي ينسى الوداد و يخون الأصحاب
وحش المحبوب زود في قلبي حرقة تشعل نيرانها وقود
مامر الهجرو الصدود مع الفرقة العشق يذل الأسود
عذبني من هويت بوشامة زرقة و خدود يشابهوا الورود
يهتز بالقد كالعلام يسحر منه وليع و يزيد التائب
و اكحيل الشفر و النيام إله عينين سود و مقرون الحاجب
أسيدي ناكر الطعام عللي ينسى الوداد و يخون الأصحاب
بالله يا من هويت و أصنت ليا و حديث العرض اش لزني
أنت روحي و ضيء بصري في الدنيا و غرامك راه زاد حطني
ما نعني شيء الملاح اصلا في الدنيا يا عاشق لاش تلومني
الحب حكايمه أحكام أنا المغلوب في الهوى و أنت الغالب
أسمع يا فاهم النظام قول أحمد بن لخضر على جال الصاحب
أسيدي ناكر الطعام عللي ينسى الوداد و يخون الأصحاب
__________________
"هَذَا الفَّنْ حَلَفْ : لا يَدْخُلْ لِرَاسْ جْلَفْ ! "
الناس طبايع ,, فيهم وديع و طايع,, و فيهم وضيع و ضايع .... إذا دخلت للبير طول بالك ,,,و إذا دخلت لسوق النساء رد بالك....إلّلي فاتك بالزين فوتو بالنظافة ولي فاتك بالفهامة فوتو بالظرافة ... القمح ازرعو و الريح يجيب غبارو ,,,و القلب الا كان مهموم الوجه يعطيك اخبارو.....و للي راح برضايتو ما يرجع غير برضايتي,, ,ولا تلبس حاجة موش قدك,,, و لا على حاجة فارغة تندب حظّك ,,,و ما يحكلك غير ظفرك ,,,وما يبكيلك غير شفرك