﴿ نار ولفي شعلت وڤدات في كناني ﴾
ركاب نار ولفي شعلت و ڤدات في كناني واش يطفي للعاشـق نار جوفـــــه
راه حب العدراء يا ناس مضــــاني ولا هلكني في الدنيــــــــــــا خلافه
مرسولك يا عايشة ابطا ولا جـــاني يا لندرى من يجيب ليا وصــــــافه
ألله يا ربي يا سيادي ســـــالف عايشه نشوفه
راه غيـــب عني المرسول ما عرفت ألوين مشــــــى
الغزيـــل في الدرب يسول كحلت الســـــــالف عايشه
خــــــاطري منها في هول راه حـــــــــالي في دهشى
حبها راه جاني بـــالخيول ساڨ ليــــــــــــــــا يتمشى
ســـــــاڨ ليا وهزم جسمي وديواني ساڨ ليا وعدى من غيــــــر خلافه
راه حب العدراء يا نــــاس مضاني أو ما عشقت أنا فالدنيـــــــا خلافه
راه غيب عني ما جــــاني مرسول عايشه يا حضـــار
حبها راه ملكنــــــــــــــــي في ڤلبي شعلت النـــــــــار
ناسك يـــــا عايشه كرهُني وانا ما وصلت حد بالعــار
لا صديق من يـــــــرافڤني لعند مسبوغة الاشفـــــــار
لارسول يجمّل عني و يسعــــــاني يروح لكامملة الزين يجيب وصافه
وكون ظريف لبيب كيس أوسيساني صــــاحبي أللي نعرني ما كان كيفه
يا لندرى من جـــــــــاني ذا الرســــــول ابن البـدراء
ألتم يعزم و يحدثـــــــني ويكـتـــــــــــم على الهدراء
بــــالوفاء سبقــــــــــــني ولا نويــــــــت منه الغدراء
من الحسود أللي جفاوني عليك نلڤــــــــــاهم عشراء
عليك نلڤاهم جميع أو كل من جـاني معروف عالناس العشاق ما يخافه
ســـــاڨ ليا وقهرني يا ناس مضاني ولا هلكني في الدنيا خلافـــــــــــه
حين رايته يا ذا النــــاس جاءتني منه كلمـــــــــــــة
زين الخدود والاخراص والعيون كحُل ظلمـــــــة
البدن يظهر كالقرطـاص والزنـود على خـــــــاتمة
الشاش معصب عالراس زاد لعذابي نقمـــــــــــــة
زادة لعذابي حبهــــــــــــــــا منه تمحاني ساڨ ليا الردى من غيــــــــــر خلافه
ما نفضح ما نشكر غير نڤول بالســـــاني ابن مسايب من يعشق الزيــن كيـــفه
__________________
"هَذَا الفَّنْ حَلَفْ : لا يَدْخُلْ لِرَاسْ جْلَفْ ! "
الناس طبايع ,, فيهم وديع و طايع,, و فيهم وضيع و ضايع .... إذا دخلت للبير طول بالك ,,,و إذا دخلت لسوق النساء رد بالك....إلّلي فاتك بالزين فوتو بالنظافة ولي فاتك بالفهامة فوتو بالظرافة ... القمح ازرعو و الريح يجيب غبارو ,,,و القلب الا كان مهموم الوجه يعطيك اخبارو.....و للي راح برضايتو ما يرجع غير برضايتي,, ,ولا تلبس حاجة موش قدك,,, و لا على حاجة فارغة تندب حظّك ,,,و ما يحكلك غير ظفرك ,,,وما يبكيلك غير شفرك