سبحــان خـالقي سلطـاني سبحــان خـالقي سلطـاني
سبحــان خـالقي سلطـاني من لا ينام ربي عـالم لصرار قــدر و راد ليــا و بلاني
قــدر و راد ليــا و بلاني
زليت بالقدم ونضرت بالبصار حتــى لقيـــت من سلبتني
حتــى لقيـــت من سلبتني الحسن والبهاء والزين المسرار يــــوم الخميس واش أداني
حتـى لقيت فاطمة مصبوغة لشفار اللـي غــرامها مضــــاني
يــوم الخميس ســارت بيا رجلي لعند رائس الشـــارع
لقيتهـا فاطمة الهميـــــا شبيهة الهـلال الطــــالع
ما لها مثيـل في الدنيــــا تـاج الريـام يا من تسمــع
كواتني بنــــــار قويـا ومشيت بالغـرام مــــولع
مشيت من هواهــــا فاني قلبي وخاطري شعلت فيه النار مـا لي صديـق من يـعذرني
يمشي لهــا مصبوغت لشفار إجيب لي خبـــارها وجيني
يعمل جميل فيا يهدي مالقهـار يـــوم الخميس واش أداني
حتـى لقيت فاطمة مصبوغة لشفار اللـي غــرامها مضــــاني
يـــوم الخميس واش أداني هاد الغــزال يحــــوس
ما فقت بيه حتى نبــــاني أحـمـرالخدود كحيل الناعس
حبيت أنتبعو جـــــاوبني يهديك غـيـر أيــــس
ذوك الحسود يكرهــــوني كون لبيـب فاهم كويـــس
بلا عقل هايم خـــــلاني مشطون ممحون غـــايس
بالزين و البهــــاء عذبني
بالزين و البهــــاء عذبني
عندو جبين صافي مثل الغرار والعيون شفـــارهم سوداني
وخدود ورد فاتح فـات الجلنار مولاتو حـــارزها سيساني
عليها مدوّر بيبان و صــوار يـــوم الخميس واش أداني
حتـى لقيت فاطمة مصبوغة لشفار اللـي غــرامها مضــــاني
هاد الغزال بـــاهي الصورا للورد والزهر مثلتـــــوا
الشفر ما أحسنو فـــالنضرا و العيـن بالكحل واتــاتوا
التيت كا ظــــلام الصحرا هـاوي على الصـدر تالقاتوا
الفم دور خـاتم فجــــرا والشفايف عكـري في نعاتوا
ما كان زايــــها يا حضرا في جيلنا والجيال ألي فــاتوا
خد الكلام وسمع منـــــي يا من تسأل نعطيك خبـــار نوريك ما شفت بــــعيني
رقبا قايما من عاج أو بــلار بخوامس الذهب سـلـبـتـني
القد مثيل نخلا مايلا باثمــار و الزند سيف يا ســــألني
يوم الطراد قبضة فارس غزار يـــوم الخميس واش أداني
حتـى لقيت فاطمة مصبوغة لشفار اللـي غــرامها مضــــاني
الصوابع يهيجو بالخـــواتم زادو لي محنتي و عـــدابي
البدن أبيض ثلج في جبل راسم والســــاق بالرديف يسبي
ما كان مثيلهــــا فالعوارم سبحانو صوّرها ربــــي
مكمولت البهاء صافية الثغـار أللي غـرامها مضــــاني
تسوى ميات ثوب و بكـــار و ميات جاريا سودانــــي
ميات بنت من أهل الكفـــار وتسوى خزاين العثمـــاني
تسوى مال فاس وديور التجار يـــوم الخميس واش أداني
حتـى لقيت فاطمة مصبوغة لشفار اللـي غــرامها مضــــاني
أعييت يا حبـــابي نوصف في ذا الغزال كحل النجــلا
راني مثل الطير الخـــايف خوفي من الغدر والختـــلا
سبحـان من خلقهـا و وصف ما كـان زينها في طفـــلا
يا من داريا بيا أعطــــف يا تاج الريام باهية الخجــلا
نوريك اسمي يا عـــارف اسمي و كنيتي بن سهـــلا
إذا يريد ربي عـــالم لسرار يدينـي لعندهـا و خليــني
نبقى معها حتى تفنى لعمــار ولي يلزمهـا يلزمـــني
إذا تريد نخسر ألف ديـــنار يـــوم الخميس واش أداني
حتـى لقيت فاطمة مصبوغة لشفار اللـي غــرامها مضــــاني
__________________
"هَذَا الفَّنْ حَلَفْ : لا يَدْخُلْ لِرَاسْ جْلَفْ ! "
الناس طبايع ,, فيهم وديع و طايع,, و فيهم وضيع و ضايع .... إذا دخلت للبير طول بالك ,,,و إذا دخلت لسوق النساء رد بالك....إلّلي فاتك بالزين فوتو بالنظافة ولي فاتك بالفهامة فوتو بالظرافة ... القمح ازرعو و الريح يجيب غبارو ,,,و القلب الا كان مهموم الوجه يعطيك اخبارو.....و للي راح برضايتو ما يرجع غير برضايتي,, ,ولا تلبس حاجة موش قدك,,, و لا على حاجة فارغة تندب حظّك ,,,و ما يحكلك غير ظفرك ,,,وما يبكيلك غير شفرك