[مصطفى]

محمد بوزوبع في إحدى قصائد الحراز

و هي لعبد الهادي بن محمد با حنيني
و هذا نصها كما رفعها الأخ بريكسي فريد مشكورا

حراز عبد الهادي بن محمد با حنيني

القسم الاول
مال حراز ضيا لغلاس * في بلاد البهجة لكياس * من فنون الكبرى * و سكن في بلاد الحمرا * و على الغرام تايه * و بنات الحي دايرة به تخبل فالاوتار * اصوات ترنن بالاشعار * يبحث و يسال على اصحاب الهوى * و يتيه على الجمال في كل بلاد يتيه * خصاه غزالة عنها يسال * وصل لمدينة فاس جا و طير عني سود النجال * قام سحرها بالمال * يا الفاهم و داها بالحيال * حين وصلني الخبار قلت يا راسي عول للوصال * وطيت بلاده بالاقدام * سقسيت عليه عطاوني اخباره * باين عنده خليلتي و بقيت انايا سقيم * و بحت عليه قبطت لادريسة Adresse مصنوع يا فهيم * و عزمت على الحيلات * قلت يا راسي لا تخشى من رديل الفتان * سرت عنده عجلان * في صفة اللي براني جاي من بلاد قصية * حين وصلت لقيته عبوس * جلس غضبان قال لي بلسان * اش جابك عندي لله لاش رمتي ليا * قلت له يا سيدي نبغي تدلني على الاوطان * يا سلالة الاحسان * ردت أطيل Hotel رفيع و ها لكارني فدية * قال لي اظهر لي الا انت خوان * او هاجر لوطان * شوف أطيل لي يصلاح بك و نهض في*
مال حراز غزالي ما بغاش عمره يليان بقلب قاصح صفوان على غزالي عساس اللي سباتني ثرية
القسم الثاني

قلت يا راسي كيف ندير * جيت له في صفة كوميسير commissaire سرت عنده عازم حتى لمرسمه يا فاهم * سبكتور inspecteurكان معيا * جدارمي gendarme كبير حدايا * فالحين قام من غير فجور * دوا و قال لي بجور يا مسيو Monsieur شعنا الا مكني بك اعطيني اخبار * انا رجل مسكين ليس نعرف خلطة و لا جرام دايم جالس تحت الجدار * في الحين نطق هو و قال عندي لخبار * عليك بين بياع الكيف مع الخمر * و نقلب هذا الدار كلها ما ينفع فيها حراز * فالحين نطقت و قلت له داري * ما يمكنشي انت تفتش فيها طول الدوام * تمة قام الجدارمي و قال ارا يدك يا بخيس * و النيميرو خمسة Minottes تكون فيها من دون مهل * صيغ قول الحكام * فالحين قال لي يا مسيو بردو *pardon و اسمع قولي لا تعود نادم غيضان * خوذ قول بالبيان * راه عندي لحمايا صايل بغير خفية * قلت له بينها حتى نشوفها بالعيان * ليس نقبل عذران * قال لي لحمايا من غير شك علوية * خضعت له من اجل الحماية العليا * بالمنان قلت له بلسان ربنا يجعلها طول الدوام فالعليا.
القسم الثالث
بارت افعالي و حيالي مشيت له في صفة والي * من اصحاب النظرة * في الحين درت رزة خضرة * و كذاك درت تسبيح و ثوب رفيع * و تلامذ قدامي يا نبيل * و حنا في العمارة الرايقة * و المسمعين يا الفاهم باصوات مرخمين * حين وصلت لعنده لباب قصره حييته بسلام * في الحين دوا هو و قال لي * لاش قدمتي يا رجل * في الحين دويت و قلت له انا درقاوي شيخ * و تلامذ قدامي جادبين * جيت لعندك عسى نكون انا و الفقرا سباب خيرك * و كرمنا يا نبيل * و الا دخلتنا لمنزلك ندخلوا بالخير و السعادة و البركة كاملين * دير النية فينا و لا تخيبنا يا ولد الكرام * فالحين نطق و قال ليس كانوا الاشياخ في عهد النبي * و الشيخ الاكبر سيدنا محمد * من جاء نبيه * و التسبيح الحجتاب كان عند الامام * الشيخ سيدنا سحنون العارف كان عنده * و يلهي به نعاس * اما انتها درتوه غير شبكة لجميع السنتم * الا كنت شيخ الكمال عرف بالله دير تكلك * هو نعم الكريم يكرم الخلايق كاملين * و الا كنت بعد اكومندار commandant اوهاده و عساكرها * طريق القشلة تبع طريق عني * و الغي الجدال يا شبيه الشيطان * جر هاذ القومان ليس مثل اقرانك * تيخالط الصفيا ما سمعنا بالصفيا رذيل و لا خوان * غير ناس الاعيان ناس الوفا * و الهمة و مراتب العليا * ليس يشيب النار انت تكون من ذا العربان * ليس نقرا امان فيك * و لا في اصحابك * ما يلك خلطة بيا * و ليس نعرف الا رب القديم نعم المنان * و الشفيع العدنان * و الاسياد العلما و المحاسن الاتقيا.
القسم الرابع

في حيالي بارت لفهام مشيت له في صفة حجام * صرت عنده عازم * حتى لمرسمه يا فاهم * من بعد ما حفضت الصنعة و على اشكالها ندريها * رويت من شيخي سبعة جميع من مشاكل فيها * و بديت كنختن و نحسن يا فهيم * و خروج الدم كذاك كنحقه من دون رتاب * كلشي يفهمني لاني حريف ماهر * و رويت على الفحول و بعدها عولت قلت * يا راسي لا تخشى و لا تروم لبالك دهشة * قوم هذي هي وقت ربيع * و جعلت قوارر من اللجين * و مشاطي مصنوعة * كذاك طاسة مفروغة من الوريق * و فوط سليس باهية نفيس * و شريت كذاك شانطة مقيومة * و جميع ما بغيت شريت * من دون ملول سرت لعنده حتى لمرسمه * و نصيب بالباب عسة علي يحضيني جليس * حين رمقني عبس * قلت أحفيظ أحفيظ كأن ليث مغول يا سامعين * حييته بسلامي و قال لي لاش قدمتي يا رجل * تم جاوبت كنت قلت له يا سيدي انا حريف * عند الوالد الله يرحمه * و يجعلك ربي خليفته * كنت صديق دون ريب * و في هذا الابان الجميل * ناتي عنده حتى لمرسمه و يدخلني للمكان * نخرج له الدم بلطافة * و جواره كاملين * جيت لعندك عسى تكون مثل اباك المرحوم * فالكرايم و الجود مع الاحسان * في الحين نطق هو و قال هذا اثار قديم * ليس هو في مذهبي * يا غفيل انا في مذهبي حين كنشوف غزالي مرضت ناتي بطبيب رفيع * تيبشرها في الساعة تقوم * يضرب لها شوكات او يعطيها فانيدات بلطافة * و اذهب يا بخيس و انا ظهر لي فيك * جيت تمنعني من سود النجال * سير علي من ارض فاس * و ارحل ارضي و لا تخالط الاوطان * سير يا ذا الخوان * ظن في بالك و الله ما تحيل علي * شحال منك فاتوا و لا قريت فيهم امان * لا دير مهرجان سير عني لمكانك يا وجه الخزية * قلت يا راسي كيف ندير مع الوشق الهرنان * يا الله المنان صادفه بهليكة حتى يجي لبين يديا * في حين وقعت الوجيبة في البخيس و سكن لمكان * قام بعد العشران كيخبرني باللي كان * و كتب لي كنت جالس في داري تنهوم * مثل السكران غير تايه ولهان * كيف باقي جالس و الفاكتور facteur دق علي * قبضت البريا و لقيت اللي لقيت و ذهب الاحزان * سرت فارح عجلان * قلت لله الحمد فجى الهول عليا
القسم الخامس

سرت عند الماسخ الكهيب سرت له غادي مثل طبيب * سرت عنده لبلادو يا عقيل * من بعد قريت علوم سليس باهية * و نفيس من دون ميم دخلت للمدرسة الاولى * و لقاني مديرها مفقه فاللغا و الحروف * قراني ربع سنين حزت سرتفيكة ديتيد certificat d’étude بالحق * و دخلت الكوليج collège الحفيل قريت فرنسية مع اللاتينية كذاك يا الفاهم و النكليزا Anglais قريتها و خذيت السوكندير *secondaire زدت عليها سنين حزت بالباكالوريا العليا * و الله الفتاح ايلا يريد لعبده بالخير * قل من ساعة يفتح له بواب من بعد بقيت كذاك ما حصل لي ملال و لا تعاب * لله الحمد بلا عداد * اللي تعب في صغره يستراح في كبره * قول نجاب * و قريت في علم الطب شي ايام كثير * حتى الدكتورة عندي * و مشيت يا الفاهم لراسمه تنجول * دقيت عليه خرجت خادمه قالت لي سيدي مريض * قلت لها سير قل له هذا طبيب اللي بغاه * خرجت لي فرحانة تقول لي أفيك بليزير * قال لك انطري سيلفوبلي * Entrez s’il vous plait زدت لعنده حتى لمرصمه و نصيبه في قلب قبتو يتقطع بالحريق * في الحين نظر فيا و قال يا مسيو بونصوار * Bonsoir Monsieur قلت له بونصوار في الحين قلت له ما لك تويي ملاد * Tu es malade قال وي يا مسيو ميرسي * Oui Monsieur Merci قلبته من صدره درت صناتة عن ظهره * قال لي قلبني فالراديو * قلبته فيه و قلت له هذي مصرانة فيك زايدة * خصك لوبيراصيون * L’operation في الحين نظر فيا و قال لي كيسكو تي فو *Qu’est ce que tu veux قلت له صا فا * ça va بنجت في الحين سكرته و تركته في بيت طايح وحده * و دخلت للقصر نصيب غزالي الباهية ترعاني * في الحين قلت لها قومي * رفدت ما يعز عليها و ركبت لا غنا في الطوموبيل Automobile رفيع شكل ميريكاني نبيل * موتور صايل فيه جهد ألف دا الخيل 1000 CV* من العتاق شكل واضح مفهوم * شيفرولي Chevrolet عند اصحاب العقول و حمدت الله فجات غمتي * و استغفر الله ما مشيت في صفات * و لا نظرت حراز الا عقلي نخدمه بشطارة * و ننبه العقول اللي هما غافلين * نطلب ملا يسهى و لا ينام * الواحد نعم القديم نعم المنان * دا الجلال و الاحسان ما يواخدني بالنقصان يلطف بيا * خوذ حرازي يا راوي و صول به * في الاوطان من خديم السلطان ما خفى عبد الهادي دا الجليل يغفر لي * و سلام نهيبه للقاريين لامة الاعيان ما نهلت الامزان * على الطلبة و الشرفا اهل الجود و المزية.
مال حراز غزالي ما بغاش عمره يليان * بقلب قاصح صفوان * على غزالي عساس اللي سباتني ثورية