سالت الكمري قلت لو واش بيك محيرهاذي مدة حالك راه في تغيار
كنت مونسني حين تنقمر ودرق حسك مرة يا ضرا ماصار
خبرني يا لزرق واش بيك مغير راني عن تهوالك خاطري محتار
اذا بيك انا حالي علاش مغيتر سري مايخفاك انت وليد الدار
راك تشوف بعينك في هوالي تكثر وانا وحدي ليها مانطيق كحار
طول الليل وحيد على دموعي نسهر والقلب مزيلف على صهيد النار
من فرقة ولفي محال قلبي يصبر حتى تتلاقى في الاخرة الاعمار