ماقدرش أقول كُنْتى
رغم الممات ......
هاتعيشى لنهاية الحياة اللى قاسمها ربنا
أمى
طيفك فى عينى و المكان مليان عبيرك ...
و عايشة تِتْحَسِّى و تِتْشَمِّى
يا شجرة الجِمِّيز يا نخلة فى السما
يا اللى فروعك ع السنين كافيانى ويل
هَمِّى
لسة باشوفك قبل ما باغمض عيونى يا حبيبتى
و كف إيدك حانى على خدى
ترقينى و تْسَمِّى
أول ما لحظة ضيق تِخَلِّى الكون يضيق
بيضُمنى حضنك
و إيدك تِمسح الدمعات
و صوتك باسمعه
يشخط بحِدة ف محنتى
و يقوللها إتلَمى
صدقينى يا حبيبتى لَمَّا أقول
طيفك فى عينى و المكان مليان عبيرك ...
و عايشة تِتْحَسِّى و تِتْشَمِّى
و مزَيِّنة الأعياد و طارحة
و أحلى كلمة نطقها إبنك طول حياته هىَّ ...
أمى
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس