كلمات/سعدالشرقاوى
لحن وغناء أ/محمد الالاتى
مين غيّر حالنا ؟..
مين جاب الفتنة لأراضينا
وخللاها ضباب
وبقينا نقتـّل بعضينا
من غير أسباب
من عامل فى بلدنا معلم
بلغات الدم بيتكلم
فين حُب زمان ياسلام سلم
فين الأحباب
,,,,
مين غيّر حالنا وطبايعنا
وخللانا ندوس
على بعض ونهوى اللى بايعنا
بأقل فلوس
طاب مين بيقتـّل فى جنودنا
فرحان بدموعنا على خدودنا
ويوماتى يفجّر فى حدودنا
ويعمل ارهاب
,,,,
طاب من بيحامي عن الفوْضة
وعايزها تعيش
ويهدْ العدل مع الأزهر
ويشـُق الجيش
والفتوى بتطلع بالسّاهل
بناخدها ولو كات من جاهل
وياريت الموضوع يستاهل
أرواح وخراب
,,,,
من قال الدين كان فيه رفــّه
ومحتاج تعديل
والخلق ف كفـّة وانا ف كفـّة
ولا عندى بديل
مين خللا خوات يبقوا أعادى
مين زرع الشر ف أولادى
مين خللا حقوقك يا بلادى
ملك الاغراب
,,,,