بداوى في جرح غيري
وقلبي جراحه تكبر
وأمسح في دموع عنيهم
وفي عنيا الدمع يكتر
وأخدهم جوة قلبي ينامو
يرتاحوا وقلبي يسهر
وأخرتها
أنا اللي طلعت قال غلطان
ما أنا الغلطان
لأني كتير قاسيت منهم
ودقت المر بإيديهم
وكنت بخبي أوجاعي
ولا عمري شكيت ليهم
داريت أحزاني جوايا
وضحكتلهم
وكل أفراحي وهنايا
وهبتلهم
وبعد ده كله عتبوني
ولاموني
وظلموني
وأخرتها
أنا اللي طلعت قال غلطان
ما أنا الغلطان
لإني كنت بتحمل
وأداري الأه وأداويهم
ولو مره لمحت جراح في سكتهم
في نن عنيا أداريهم
ولو عينهم في يوم تبكي
تسيل الدمعه فوق خدي
ولا تجرحش في خدودهم
ولو وقعوا تكون أول إيدين
تتمد تخطفهم تكون يدي
بكل الحب تسعدهم
وبعد ده كله عتبوني
ولاموني
وظلموني
وأخرتها
أنا اللي طلعت قال غلطان
ما أنا الغلطان
علشان حبيت وما نسيتهم
علشان عليت في ضحكتهم
ندهت وعمري ما لقيتهم
لقيت الأحزان
علشان صدقت كدبتهم
وسبت القلب لعبتهم
وكنت بداري قسوتهم
أكيد غلطان
أنا الغلطان