خفاء لا همس جديد صوبها ماهو خفاء لا همس
غلاء من سطع ع الكون كيف الشمس
غلاء بنت وطني موغلاء براني
اللي جدودها حاضرين يوم الهاني
غلاء بنت شال العقل عدى بيا
اللي ناسها حاضرين القرضابية
حضروا المرقب في تراب الخمس
غلاء بنت ناره في الجواجي ترقى
اللي ناسها حاضرين معارك شرقة
طمسوا الغازي في المعارك طمس
اللي ناسها حاضرين يوم عقيلة
و خاضوا معارك صاعبة و طويلة
فداء وطنهم ضحوا بمال و نفس
ماهو خفاء لاهو خفاء لا همس