[عادل صموئيل]

المشاركة الأصلية كتبت بواسطة zezoezz

استاذنا الفضل الاستاذ/عادل
كل سنة وحضرتك طيب وربنا يعطيك الصحة والعافية انت والاسرة الكريمة
معلش انا ارسلت لك بخصوص البرنامج الى عندى برنامج32انكور مش بيظهر شريط الادوات فيه سواء من قوق او من تحت قلى كيف اظهرة وبارك الله فيك

اخى العزيز واكرر الاسف لنى ماشفت مشاركتك الا الان وبعد وقت طويل
انا افضل انك تنزل برنامج انكور رقم اربعة ونص وانا منزله هنا فى المنتدى وهو افضل نسخة على الاطلاق من اللى قبله واللى بعده لأنى جربتهم جميعا بالطبع الا فى حالة لو اشتريت كمبيوتر حديث اوى ومارضيش يشتغل ممكن تستعمل النسخ الاحدث
انت لو قريت الشرحين بتوعى حتلاقى الاجابة واقولها لك تانى
من شريط المهام فى كلمة windows اضغط عليلها ومن القائمة اضغط على tool bar حتلاقى الشريط نزل بعدين من القائمة set up اضغط عليها واختار كلمة save preferences واضغط عليها عشان يحفظ العملية وتلاقى التول بالا كل ماتفتح البرنامج وبالطبع اضبط مكانه يعنى اسحبه والزقه زى ما انا عامل تحت شريط الادوات وبرضو بالطبع اعمل سيف بريفارينسز
بعدين اقرا تانى الشرح وادخل على set up حتلاقى tool bar set up اضغط عليها حايظهر لك نافذة
على اليسار الحاجات الموجودة فى التول بار اصلا وعلى اليمين القوائم كلها اللى على البرنامج
الاول ادخل على اليسار واحذف الحاجات اللى مش لازماك يعنى مثلا زى علامة الانترنت واعمل اوكى
بعدين تعالى للقوائم اللى ع اليمين اضغط على علامة علامة وشوف اللى انت محتاجه بالظبط واللى عايزها اضغط على add يعنى اضافة تلاقيها اتنقلت ع اليسار ولما تخلص اضغط اوكى ويستحسن زى ما انا عامل فى الشرح لأنى حاطط العلامات اللى بحتاجها طول الوقت والحاجات اللى بستعملها اقل بدخلها من القوائم عشان التول بار ما يبقاش زحمة على الفاضى
لما تخلص العملية برضو اضغط على set up واضغط على سيف بريفارينسز وماتنساش تعمل العملية دى بعد كل تعديل على واجهة البرنامج
فيه حاجة انت سألأت عليها ازاى تكتب اسم الآلة على المدرج
من باليتة جرافيكس اضغط تكست T تفتح لك نافذة الكتابة اختار نوع الخط وحجمه يعنى من 14 الى 16
ولو بالعربى سيمبليفايد ارابيك واكتب الكلمة بعدين اعمل حفظ بعدين امسك الكلمة بالماوس واسحبها حطها فى المكان الصح
مع اطيب تحياتى عادل صموئيل