[عادل صموئيل]

الاخ العزيز المنير
فيه نظرية مهمة فى الحياة وفى الكمبيوتر مهمة جدا جدا جدا
هى ان الانسان بيفضل يتعلم طول عمره لكن اهم شىء يستكشف صح
انا فى الشرح بتاع الانكور كنت بستعمل طريقة هى صعبة شوية يعنى كنت بفتح صفحة مستقلة واصمم فيها الشى اللى انا عايزه بعدين بصور الشاشة عن طريق مفتاح print screen اللى موجود فى منطقة يمين الكى بورد
بعدين بدخلها على كذا برنامج عندى زى الاكاد سى واحيانا الفوتوشوب واحيانا paint وعندى كذا برنامج للعب فى الصور بحيث اضبط اللى انا محتاجه من الصورة بعدين احفظها برقم فى ملف ... واكمل كل التصميمات فى الشرح اللى انا محتاجو فى الموضوع اللى بعمله
بعدين من برنامج اللورد افتح المف الاصلى الجديد وابتدى المشروع وكل ما احتاج انزل صورة من المحفوظين بعمل مربع نص وانزلها عشان احدد حجمها المطلوب ومكانها بدقة فى الصفحة
هى الطريقة صعبة شوية ومتعبة لكن عشان يعنى كنت بعمل شرح زى كده كل سنة مرة كانت تبقى مش مجهدة اوى يعنى كنت بتسلى بيها
لكن اذا كان فيه برنامج زى سناجت بيوفر الوقت لكن السؤال هل هو للكتابة فقط ولا لو مزايا اخرى ؟
بمعنى ان طريقتى كانت انى بفتح صفحة انكوروبعمل اللى انا عايزه بعدين بصور الشاشة واقطع فى الصورة والعب فيها زى ما انا عايز زى ما انت شفت فى الشرح
بس الخلاصة الواحد بيسمع الآراء وبيتعلم
واقول لك على سر فى شخصيتى انا كل حاجة بتعملها من حد بقعد افكر فيها واذاكرها كويس ... وكتير جدا بوصل لنفس الشىء بطريقة اسهل 100 مرة من اللى اتعلمتها ... لأنى فى حياتى مريت على ملايين من البشر وفيه خاصية
خطيرة هى الشرحيعنى فيه مدرس طريقته فى الشرح رديئة يعلمك حاجة سهلة جدا بطريقة صعبة
ومدرس شاطر بيعرف يشرح كويس ويفهم تلاميذه يخليهم يفهموا اعقد حاجة بمنتهى البساطة والسلاسة وانا حاولت اعمل كده مع تلاميذى واقل شىء هو تبسيط النوتة اللى انا بعمله
مع اطيب تحياتى وانا نفسى كنت اقابلك عشان حاسس ان عندك شوية برامج تجنن
فيه تميز فى اوروبا وامريكا مش عندنا فى مصر ان عندهم محلات الكمبيوتر فيه محلات متخصصة للسوفت وير فقط يعنى محل بتاع برامج فقط تدخل تطلب اى برنامج بأى اصدار تلاقيه ولو مش موجود يقول لك تعالى بكرا وهو بيعرف يجيبو حتى بالطيارة من بلد تانية ... لكن عندنا فى مصر ( ومعظم الدول العربية ) بيعتدوا على البرامج المنسوخة
لذلك دايما تلاقى مشكلتنا الاساسية السيؤيال او الكراك .... وحكاية الكركات دى مش موجودة فى المحلات اللى قلت عليها لأن كل البرامج اصلية واللى بيخترعوا او يصمموا الكركات دى بيصمموها للدول العربية ده لدرجة الخيبة بتاعتنا
مرة كنت نفسى اشترى انتى فايرس اصلى كنت ساعتها من خمس سنين معجب جدا بالمكافى .. دخلت اكبر شركة كمبيوتر فى مصر الجديدة يعنى مش مول متعدد المحلات لكن شركة واحدة عيارة عن كذا طابق مليانة احسن حاجات واغلى حاجات .. قلت لهم عندكم مكافى اصلى قال لى ايوه بكام ؟ قال ب 400 جنيه قلت لو ماشى هات لى واحد ..
تخيل جاب لى اسطوانة مكتوب عليها بتاع من 4 سنين مضت .... يعنى هو مش فاهم ان ده كده فاقد الصلاحية ...
مع اطيب تحياتى