اخي العزيز الحبيب المجهول التقاسيم لها تعريف محدد وواضح هو ارتجال وكلمه ارتجال هي ان تطلق العنان لنفسك لاخراج المخزون الفني واستعراض الحصيله الموجوده بداخلك نتاج ما سمعت واطلعت علي الوان الموسيقي المختلفه ....... وبعدين انا لوما غيرتش من جلدي كل شويه تبقا راحت عليا انما لو دايما فيه جديد يبقا انا دايما متجدد... وبعدين والنبي مشكده احسن ولا يكون عندي شويه صغيرين انت تعرفهم وغيرك يعرفهم وبعد كده متلاقيش جديد وتبطل تسمعني لانك ساعتها هتكون عارف انا هقول ايه؟ صح وولا لا لا لا وعموما الشكل اللي انا عامله ده مش دارج عندنا لانه هندي كردستاني واحنا كعرب مش مقربين من الثقافه دي ودايما نمسك المقام ونعيد ونزيد لما بقينا كلنا شكل واحد وانا الحقيقه مش كده والدليل اني دايما مجدد اني دلوقتي انا اللي بسجل كل صولوهات الربابه والفيولا وكذلك اصوات غريبه مخترعها من كمنجه اليكترك جديده متحسش انها كمنجه اصلا.....المفيد اني لازم اجدد باستمرار وده مش عيب ولكن الجديد هتلاقي فيه اللي يناسبك واحياننا مش هتلاقي والدليل ان اصلا انا مختلف عن الاساتذه اللي سبقوني في عزف الصولوهات وعشان كده طلعت وظهرت ولو كنت قلدتهم مكنتش ظهرت......... ودي فايدة التجديد رجاء تكون فهمتني علما باني حافظ كل اسليب السابقين من الاساتذه الكبار ولوغمضت عينك وسمعتك هتحس اني زي اللي بيقلدوا الفنانين من كتر ما انا حافظهم بس انا فييييييييين؟؟؟؟؟ وصباح العسل عليك....................محمود سرور