رد: طلبات نوتة أ / عادل صموئيل الجزء الثانى
شكرا أ / عادل لقد استمتعت بعزف نوت من تدوين حضرتك وأستاذ احمد الجوادي واستاذ نزيه محمد واصادقك القول حين اقول اني استمتعت بعزف هذا التدوين السلس والممتاز
الاخ العزيز كلامك بيسعدنى
انا للعلم خريج كلية التربية الموسيقية بالزمالك بس زمان اوى
التدوين زمان كان للمحترفين اوى يعنى كانت النوت صعبة جدا ماحدش يقراها غير المحترفين اوى
انا بالنسبة لتدوينى حاولت اعمل النوتة اسهل بحيث المحترف يقراها وهو مغمض والهاوى او المبتدىء مايخافش من شكلها ويبتدى يشتغل فيها ( ولما نشغل علم النفس اللى درسناه فى الكلية ) فيه حاجة خطيرة جدا عشان تجر المبتدىء انو يشتغل لما يلاقى النوتة شكلها سهلة وتفتح النفس ويبتدى يلاقى نفسو ماشى ويكمل ويفرح بنفسه انو عمل انجاز ويعمل اكتر واكتر
طبعا السهولة فى التدوين اخطر حاجة المحافظة على كل حرف فى اللحن ... وللعلم فيه ساعات مازورة او جملة بضطر وانا متضرر اكتبها صعبة لسبب بيبقى صلب اللحن كده يعنى التفعيلة او الحلية من صلب اللحن ودى الامانة تقتضى انى لازم اكتبها .. وبالطبع انت لما تقرا نوت سهلة بتزود لياقتك البدنية ولما تيجى حاجة صعبة اكيد بتطلع من غير مشاكل
طبعا انا كنت باخد بالى زمان يعنى بالليل كنت بعزف مع العمالقة والصبح كنت مدرس موسيقى يعنى بتعامل مع ناس بتبدأ من الصفر ... جبيت اعمل حاجة تفيد الطرفين
واهم حاجة اقولها لك حاول انك لما تمسك نوتة اشتغل حتة كبيرة من غير ماتقف
مع اطيب تحياتى عادل صموئيل
التعديل الأخير تم بواسطة : عادل صموئيل بتاريخ 07/04/2013 الساعة 22h34
|