[amin driss]

شعرك غزاه الشيب.....يا ميمتي لا تخافي..
لا ليك غير حبيب.....بالود قلبو صافي..
اليوم عوّلي على إبنك.....اللي شرب من حضنك..
كاس الحنان الدافي
شعرك غزاه الشيب.....يا ميمتي لا تخافي..

شيبك زهر ياسمين.....توج جبينك تاج..
تاجك يا يمّا ثمين.....نورو بهر وهّاج..
ويا ميمتي لا ننساك.....طول الزمان نرعاك..
حبك يا يمّا عندي بلسم عزيز وشافي..
شعرك غزاه الشيب.....يا ميمتي لا تخافي..

ولدك كبر وصار.....كيف ما حلمتي بيه..
في كل يوم يكبار.....صورتك ما بين عينيه..
وياما عليّ خفتي.....تقوّيت وانت ضعفتي..
كنزك أنا يا يمّا.....قريّب وماني خافي..

ك.الحبيب الأسود
ل.محمد إدريس
غ.ثريا الميلادي