[طارق مكاوي]

المشاركة الأصلية كتبت بواسطة mody anwar

عزيزى الأستاذ الكريم طارق مكاوى أنا عاجز تماما عن أن أوفيك حقك من الشكر على هذه الأغنية النادرة للغاية , الأغنية دى أنا طلبتها فى المنتدى من فترة طوييييييييييييلة وكنت يائس إنى ألاقيها لأنها مش موجودة على النت كله ولا فى ألبومات ولا حتى بتتذاع فى الإذاعة غير فى برنامج قديم إسمه (حول الأسرّة البيضاء) وهو برنامج طبى كان بيتذاع على إذاعة البرنامج العام كل يوم جمعة بعد العصر أنا كنت بستناه مخصوص علشان الأغنية دى بالذات وأغنية تانية للثلاثى المرح مطلعها بيقول (من عند حبايب بيعزوك ومناهم ليل ونهار يشوفوك) برضه ماكانتش بتتذاع غير فى البرنامج ده , ياريت لو تقدر حضرتك تلاقيها وترفعهالنا هيبقى جميل كبير جدا, وياريت لو حضرتك أو أى حد من الإخوة الكرام يعرف مين مؤلف وملحن (يا صحبة فل),على العموم أنا أشكرك وهفضل أشكرك طول حياتى على الأغنية دى فما بالك بكل التحف اللى أهديتهالنا فى المنتدى, بجد بجد ضربة معلم تسلم إيديك وعينيك ربنا يخليك ويديك الصحة ويمتعك بيها طول عمرك يارب ويسلملنا سماعى وكل الناس الحلوة اللى فيه

اشكرك جدااا اخي العزيز مودي انور علي كلامك الطيب
وسعيد جداا ان الاغنيه نالت رضاك وفعلا هي اغنيه نادر لم تذاع الا في برنامج حول الاسرّه البيضاء وكنت محتفظ بها علي شريط كاسيت قديم وللاسف لم اتمكن من معرفه المؤلف ولا الملحن
مره اخري اكرر شكر لك وتقبل خالص احترامي وتقديري


من كل بستان ورده
من حفلها الاول عام 1982