[armendo]

المشاركة الأصلية كتبت بواسطة armendo

الأستاذ الفنان احمد الجوادى
الأستاذ الفنان عادل صمؤيل

اشكر لكما هذا الأيضاح, ومصداقا لكلامكما فقد استمعت من قبل لثلاث تسجيلات مختلفه لموسيقى ذكرياتى تحتوى على ثلاث تقسيمات مختلفه وهو ما حرضنى على الأستيضاح.

ولكما منى كل التقدير والأحترام

احمد (ارمندو)
اخى العزيز
العزف المنفرد اما ان يكون صولو واما ان يكون تقسيمة
والصولو يعننى جزء الملحن هو اللى عامله والعازف بيؤديه بإحساسه لذلك عندما تسمع الصولو من نفس العازف فى كذا تسجيل حتلاقى صلب اللحن هو هو كل مرة والناس بتحفظه كده
يعنى لو سمعت مثلا كذا تسجيل لأغنية امل حياتى مثلا حتلاقى صولو القانون وصولو الكمان هو هو ولازم العازف يلتزم بالخط اللحنى اللى عامله الملحن
اما التقسيم بيبقى ارتجال وما ينفعش يكون حاجة محفوظة وبيبقى العازف بيظهر فيه كل خبرته وشطارته وكمان حالته المزاجية يعنى لو متسلطن اوى ممكن يعمل تقسيمة مذهلة
يضاف كمان للعازفين العبقاقرة زى فريد الاطرش بالذات
يعنى ممكن فى وسط الحفلة الطويلة وفى نفس اللحن يعمل تقاسيم مختلفة فى كذا مكان وغير مسبوقة يعنى لا احنا عارفين انو حايقسم فى المكان ده وممكن هو نفسه مش عارف انو حايقسم هنا ولكن فجأة ( وبالذات لما يكون الجمهور حلو يعنى سميع وهادى ) تلاقيه يؤوح طالع فجأة بتقسيمة والناس طبعا تتجنن وتشجعه وتسكت خالص عشان يطلع كل اللى جواه
بس مع الأسف الزم ده انقضى وراح يعنى النهاردة العزف الموهوب حتى لو اتوجد المناخ نفسه مش موجود
يعنى فى اغانى ام كلثوم القديمة كانت ممكن فجأة وبدون سابق انذار تخلى محمد عبده صالح يعمل تقسيمة فجأئية وتشجعه وتديه وقت عشان يستولى على الجمهور ويقول ويقول تانى
مع اطيب تحياتى عادل صموئيل

الله عليك يا استاذنا على هذه المعلومات الجميله عن السولو والتقسيمه والفرق بينهما وهو بالتاكيد درس مهم لإصدقائنا المبتدئين كل الشكر لك.

مع ارق تحياتى

احمد (ارمندو)