اسناذنا الأستاذ عادل صباح الخير
اشكرك اخى العزيز على نشاطك وعلى تعبك معانا وانا فقط اردت ان اساعد على قدر ما استطيع...واود ان ان اسأل اذا ما كانت النوته لم تعجبك لوجود اخطاء فنيه فى التدوين او فقط لأنها قد تكون صعبه على المبتدئين والهواه؟
مع ارق تحياتى
احمد (ارمندو)
اخى العزيز
الاتنين .. اولا شكلها مرعب بالنسبة لأى واحد مش محترف اوى اوى
ثانيا فيها حاجات ممكن تتكتب اسهل من كده
ثالثا فيها طبعا حاجات رفيعة مش مضبوطة
هى المشكلة الخطيرة فى التدوين ايه اصلا؟
انت ممكن لحن تكون حافظه 100 % وتسمعه من كذا عازف حتلاحظ ان بيحصل تغيير فى حاجات عن اللى انت حافظه والمشكلة ان اللى بيغير ده بيبقى حافظ اللحن غلط ولما يدونه اكيد حايدونه زى ماهو فاهمه .. والخطورة هنا ان النوتة لما بتتداول بتتداول وبيحفظها ناس كتير بالغلط اللى فيها
الاختلاف اللى عندى انا انى بدون النوتة بالمللى زى ما الملحن عاملها عشان ابقى امين فى النقل للآخرين
يعنى فيه ساعات اجزاء فى الجمل الموسيقية بتبقى دوبل كروشات سريعة جدا وفيها حركة ملتوية مش واضحة بسرعة
ودى خطورتها ان ممكن عشر اشخاص كل واحد يفهمها بطريقة
انا منعا للشك بصراحة عندى برامج بنزل عليها الملف وبتبطأ السرعة زى ما انت عايز ( مع عدم تغيير التون ودى للعلم من اعجازات الكمبيوتر اللى زمان بتوع الفرقة المسية والمعالقة شافوها كانوا اتجننوا لن زمان كان ممكن على اجهزة التسجيل تبطء السرعة بس التون حايختلف ) المهم بمسك الجزء اللى مش واضح 100% دع واعمل ابطاء للسرعة بحيث انى افهمه .. او اكون فاهمه من الاول بس عشان اتأكد .. بس برضو ما تنساش ان من حسن حظكم انى كنت بشتغل مع العمالقة بالليل ومع المبتدئين من الصفر الصبح فى المدارس ويمكن انا الوحيد اللى ربنا اده الميزة دى يعنى كان زملائى عباقرة واحسن منى 100 مرة لكن كانوا بيتعاملوا مع المعالقة بس , وملائى المدرسين 99% بالطبع مايعرفش يدون لك مازورة فى البياتى
وانا هنا وانا بقدم لكم اى نوتة عارف مقدما وعامل حساب كل اللى حايشوفوا النوتة على اختلاف مستوياتهم
مع اطيب تحياتى عادل صموئيل