[عادل صموئيل]

المشاركة الأصلية كتبت بواسطة المنير

السلام عليكم
إلى الأخ عادل باشا صموئيل
لقد شاهدت فيديو من اليوتوب للفقيد عمار الشريعي و هو يعزف "اروح لمين " و خاصة الكوبليه الثاني و بدى الأمر و كأنه بسيط لكن أجد صعوبة حتى الان في عزفه ،نفس الشيء بالنسبة لأصدقاء لي يعزفون على الكمان..هل حضرتك متأكد من دليل المقام الذي دونته بهذا الكوبليه؟ كنت أظن دائما أنه سيكاه مصورة على الراست.

اخى العزيز
الكوبليه ده صعب جدافى العزف يعنى مش اى عازف عادى وبالذات على الكمان يقدر يعزفه ويكونجميل لنه فى منطقة تعتبر مخنوقة على الكمان
لكن انا كتبته كما اعزفه انا .... وانا عشان التدوين يطلع دقيق فى الكوبليهات اللى فيها مقامات معقدة او مش صريحة ( وكلمة مش صريحة يعنى بيختلف عليها عادة اكتر من شخصين كل واحد يقول كذا ) انا فى الكوبلهات الصعبة دى اتعلمت انى ما اخدهاش انها مقام ... لسبب خطير جدا وهو انى لو اخدتها انها مقام حفرض عليكم دليل
من وجهة نظرى وقد تكون وجهة نظرى خاطئة لذلك اتعلمت ان الصح فى المقامات دى انى بكتبها كنغمات
بمعنى انى ببدأ بالمقام الاساسى للكوبليه واركز على التحويلات المقامية بعلامات التحويل
وللعلم حصل كا مرة ان حصل خلاف فى المسائل المقامية دى وكنت بخلى اخى العزيز محمد الآلاتى يشوف الموضوع وهو كل مرة بيقول انى كاتب صح 100% .. ونفس الكلام قاله عمار الشريعى قال احنا بنعزفها كده
انت اعزف اللى انا مدونه وان شاء الله حاتطلع لن زى ماقلت الكوبليه صعب جدا
وهنا عشان انا مش بحب احتكر المواضيع المجال مفتوح كل اللى يحب يقول رأيه فى الموضوع وانا تحت امركم
مع اطيب تحياتى عادل صموئيل