[محمد محمدالعقاد]

زى النهارده

زى النهارده من سنين
إتشبكنا بدبلتين ...
واتكتب ف دفتر المأذون
اسمك و اسمي ...
والشهود
واللي باقي من أسامينا ...
والدينا وأمهاتنا
والجدود
وابتهجنا ... وارتبطنا
من ساعتها بالمحبة
طول حياتنا
والليلة دى بنحتفل بالذكرى ديه
وانتى لسه جوه قلبي
زى ما انتى
رفيق حياتي ونور عنيه
صدقيني دول شوية
بس نفضل يا حياتي .. ع المحبة
اللي باقي من حياتنا
ويا بعض
مهما ح تمر السنين
قول آمين

شعر : محمد العقاد