[armendo]

اخى العزيز الأستاذ عادل صباح الفل

لقد استمتعت بتعليقك على مشاركة اخونا الأستاذ فادى فيصل فيما يخص الأيقاع وكيفية استخلاصه عند سماع الأغنيه والحقيقة الشرح جميل ومكثف فقط ينقصه بعض الأمثله المنوته.

اخى العزيز يعتبر عازف الأيقاع اهم واخطر عازف فى الفرقه الموسيقيه فهل تتفضل مشكورا بالقاء الضوء على علاقة عازف الأيقاع بالمطرب ودوره بالفرقه الموسيقيه مع سرد بعض المواقف التى حدثت لبعض المطربين والمطربات وكان بطلها عازف الأيقاع وذلك من خلال غملك مع الفرقه الماسيه لأكثر من غشرون سنه.

مع ارق تحياتى
احمد (ارمندو)
اخى العزيز ارمندو
موضوع الايقاع فى الموسيقى الشرقية موضوع كبير جدا
لأنك فى الايقاع الواحد مثلا ميزان 4/4 حتلاقى عدة ايقاعات لها نكهات مختلفة واتمنى الاخ العزيز محمد الآلاتى يشترك معانا فى النقاش ده لأنه خبير اوى فى الايقاعات
فى الفرقة الماسية كان عازف الرق المبدع الاستاذ حسن انور صاحب دور من اهم الادوار فى الابداع اللى بتسمعوه
يعنى فيه اغانى بسيطة جدا من الناحية اللحنية زى ياما ليالى يعنى اسهل كتير من اوقاتى بتحلو مثلا
فى ياما ليالى عملنا بروفتين فقط مش عشان الفرقة ولكن عشان عازف الايقاع يفهم اللحن ويعرف حايقول ايه فين
ولو تلاحظ المطرب لما بيغنى الحملة الواحدة مرتين فى المرة الثالثة اسمع عازف الايقاع بيبقى احلى من المطرب فيها لأنو بيكون تفهم الجملة كويس وبيطلع احلى مافيها ولو المطرب اعاد الجملة مرة رابعة اتفرج على ابداع اكتر .. وفيه شىء مهم بالنسبة لعازف الايقاع لأنه مفيش قدامه نوتة المطلوب انه اولا بيبقى متفهم الانتقالات اللى فى الموسيقى وهو بيعزف فيها على ذوقه يعنى الوحيد الذى له حرية الحركة .. يعنى انا كعازف كمان لو حلو اوى ولو وحش اوى مقيد بالنوتة لكن عازف الاسقاع لو ذوقه وخبرته عالية ممكن يخلى اللحن حاجة تانية خالص .. ومهم جدا ان االمطرب وعازف الإيقاع يبقوا متفهمين بعض وعملوا مع بعض فترة .. يعنى عازف الايقاع من غير ما المطرب يديه اشارة بيحس انه عايزه يعمل كذا .. والمطرب الكبير ساعات بيعمل تصدير يعنى تقديم او تأخير للحرف اللى عندى انا كعازف فى النوتة هنا دور عازف الإيقاع ممكن يخلى المطرب يبقى مجيد جدا وممكن يخليه يخرج بره الواحدة ..
يعنى بالذات كمان فى النغمات الطويلة يعنى لو عندكننغمة بيغنيها المطرب زمنها روند او اطول هنا دور عازف الايقاع انه يحمى سلامة المطرب لما يروح للنغمة اللى بعدها لأن ممكن مطربين كتير ممكن يقعوا فى الزمن ... وللعلم فيه مطربين شهيؤين بس مش حقول مين ( عشان فيه ناس بتتلكك لى ) بيقعوا فى الوحدة كتير جداً لكن انت كمستمع مش تحس الموضوع ده لأن معاه عازف ايقاع خطير بيخليك تحس ان الغلطة اللى عملها المطرب كانها تجويد او ابداع ... والمطربين الكبار مش بيبخسوا حق العازفين .. يعنى ام كلثوم بجلالة قدرها كان عندها عازف ايقاع اسمو ابراهيم عفيفى وهو توفى فى اواخر الخمسينات كان ابو اللايقاع ام كلثوم قلات عنو انه : ابراهيم عفيفى بيسترنى
يعنى لو ام كلثوم طولت فى نغمة وكانت حاتقع هو بيديها اتنين دوم بطريقة عفاريتى الدوم التانية بترجعها للوحدة ... يعنى هى تطول فى اى حرف وتطدر وتمعل كل اللى فى نفسها فيه وضابط الايقاع بيحرها لو خرجت بيرجعها تانى من غير ما الجمهور يحس انها غلطت بالعكس بيحسوا انها ابدعت
اما عن الامثلاة المنوتة اللى انت سألأت عليها اقول لك حاجة اسهل انت عندك النوت اللى انا كاتبها وعندك التسجيلات
امسك نوتة منهم واسمع تسجيلها وتلاحظ اهم حاجة الدوم اللى فى اول المازورة .. بعد كده اى اغنية فى نفس الميزان حاتحس بالدوم دى بعدين امسك نوتة ميزانها 3/4 ونفس الحكاية وهكذا
هى ممكن ماتفرقش مع عازف الآلة الواحدة لكن تفرق مع العض ..يعنى انا ناس كتير لما بعزف قالوا لى بنحس انك مش آلة منفردة ولكن فرقة ليه ؟ لأن انا لما بعزف ( وللعلم انا عازف متواضع جدا ) بس بحب انا وانا اعزف احس انى فى وسط فرقة يعنى بتخيل جنبى عازف ايقاع عشان كده بدى الانطباع بالميزان ده
يعنى اتمنى اقول قلت حاجة مفيدة مع اطيب تحياتى
عادل صموئيل