منتدى سماعي للطرب العربي الأصيل - عرض مشاركة واحدة

**guest** · #**131** 02/10/2012, 21h13

الحقيقة يا سيد ارمندو

للوصول للعالمية
هناك مدرستين
الاغراق في المحلية للوصول الي العالمية و دا اللي نجيب محفوظ علمه
او تعمل حاجة تعجب العالم كله و رايي الشخصي ان يوسف ادريس و السباعي و توفيق الحكيم لا يقلوا عن نجيب محفوط و يستاهلو برضه نوبل و اكتر منها
المدرسة الروسية وصلت للعالمية في الموسيقي ب فضل اغراقهم في الحانهم الشعبية و شرح الموضوع دا يطول ودا تاريخ يعني
و عندك المدرسة العادية و غالبهم من الالمان و النمسا .. موسيقاهم مش مستمدة من الحان المانية و وصلوا للعالمية

الاتنين صح يعني
وضع الحدود الفاصلة و الخطوط الحمراء عموما انا ضده
و اللي عاوز يعمل حاجة يعملها , المهم تكون شاطر و فاهم بتعمل ايه

يعني مثلا
موسيقي رأفت الهجان ل عمار الشريعي .. هي موسيقي عالمية و ناس بتعمل فيها دكتوراة و تدرسها ! و شوف بقالها كام سنة
المصيبة بقي جالك ناس قالتلك دا سارق اللحن ! منين طيب ؟ هو ايه حالة كره النجاح دي !
بليغ حمدي بالنسبة لي عالمي بس جه في زمن محدش بيفهم و اسمع حاجات استعجب و اقعد ادور عشان اتأكد انه هو اللي عاملها و اقول في الاخر برافو عليك و خسارتك في الزمن اللي جيت فيه !
سيد درويش عالمي رغم بساطته و مصريته الشديدة في الحانه ..
و و و

هاروح بعيد ليه ؟
عندك ياني Yanni
الراجل يوناني و عالمي
هل التزم بالموسيقي اليوناني ؟ لأ . دا عمل كل حاجة يوناني و اسباني و لاتيني و شرقي كمان ودلوقتي حلق شنبه

و مديها رقص و زقططة و في اليونان بيقولوا عليه اله الموسيقي زي فينوس اله الجمال ! يعمل ايه تاني الراجل ؟

يعني القصد
الاتنين صح
الاغراق في المحلية للوصول للعالمية صح
و تعمل حاجات عالية universal المستوي مقارنة بالتانيين و احسن منهم صح برضه

المدرستين صح .. و مش عاوزين تعصب
الشاطر هو اللي يستوعب الفكرين و اكتر من الفكرين كمان و يوسع مداركه
تحياتي و تقديري ل حضرتك