[mahmoud feteih]

استاذنا الكبير مازلت مش لاقى كلام يليق بمقامك فى قلوبنا جميعا والشئ اللى ادخل فى قلبى السرور ان الاغانى اللى كنت اول من طلبها فى المنتدى من حضرتك تكلمت عنها باعتبارها اعمال رائعة وخالده وهى فعلا علامات وينفرد بها هذا المنتدى العظيم بدءا من دقت ساعة العمل وهدية العيد ووقدرت تهجر وبعمرى كله حبيتك وانده عليك بالحب لكن عندى سؤال فنى اوى ربما لم يعد له معنى على ارض الواقع لان عبد الوهاب رحل عنا وهو ان الحان عبد الوهاب لايتمتع بها المستمع من اول مرة عند اذاعتها وكلما سمعها مرة ثانية وثالثه تزاد المتعة بالاغنيه الى ان تصل الى الهيام والغرام بالعمل
اخى العزيز
انت فى كلامك قلت حاجة مهمة جدا جدا .... بس ليها تفسير علمى
اى عمل كبير جدا مش ممكن تحس بيه إلا لما تحفظه
الاعمال الكبيرة لما تسمعها اول مرة بتبقى زى ماتكون راكب قطار ورايح مكان لأول مرة كل المناظر بتفوت عليك بسرعة .. لكن لما تركب نفس القطار عشر مرات حاتبتدى تحس بروعة المناظر
وللعلم العمل التافه هو اللى تحس بكل اللى فيه اول مرة
وللعلم نفس الموضوع انا بحس بيه فى كل الاغانى بتاة الزمن الجميل
يعنى مثلا اغنية انا والعذاب وهواك انا بسمعها من ونا سنى خمس سنين ... يعنى دلوقتى سمعتها اكتر من 2000 مرة وانا بسمعها تانى كل مرة بكتشف فيها حاجة جديدة
وده صفة بتتميز بيها الاعمال العظيمة ان مالهاش تاريخ صلاحية وتنتهى زى الاغانى بتاعة دلوقتى
عنى هات لى اشهر مطرب دلوقتى وقول لى اسم اغنية عملها من 6 شهور ... حاتكون اتنست مع اللى طلع بعدها
مع اطيب تحياتى