اقتباس:
المشاركة الأصلية كتبت بواسطة ehabalaaeldin
استاذ احمد
سؤال استاذ سيد كان مهم فعلا
و شرح حضرتك دا عاوز اجازة و مذاكرة جامدة
واكتر نقطة شدتني في الموضوع شخصيا
التنبيه علي اانوتات الشرقية .. و عدم محاولة اتلافها
اسمحلي استاذ احمد اوضح لسيد حاجة عشان دا حبيبي
ك مثال بسيط
سلم دو
دو ري مي فا صول لا سي دو
سلم راست
دو ري مي ( ربع تون ) فا صول لا سي ( ربع تون ) دو
الدرجة التالتة في سلم دو .. مي
Mediant
مي - صول - سي
الثلاث نغمات في نطاق سلم دو
تعالي للراست
الدرجة التالتة ( مي ) ربع تون
Mediant
لو عملتها
مي ( ربع تون ) - صول - ( سي ربع تون )
بقت نشاذ
و حسابيا التألف لل Mediant
تألف صغير
Minor
مسافاته
1تون - 1.5 تون - 2 تون
مي صول سي
احسبها بقي علي المي ربع تون
هتبقي
مي ( ربع تون ) - صول ( ربع تون ) - سي ( ريع تون )
حسابيا التألف صغير و سليم
و لكن ايه علاقة الصول ( ربع تون ) بسلم الراست ؟ نشاذ
و قيس علي كدة
غير ان الربع تون بيتغير من من بلد لبلد و من مقام ل مقام
فا عجبني جدا استاذ احمد لما قال
عند الربع تون و stop
سيب الربع تون علي راحته
مش لازم تلعب معاه كوردات .. و ها يبقي حلو من غير كوردات
فيديوهات استاذ احمد و من عزفه و توزيعه اكبر مثال
الحقيقة انا كمان عندي اسئلة كتير يا استاذنا
و لكن افضل ان حضرتك تكتب المواضيع بالترتيب اللي حضرتك شايفه صح .. و انا متابع دايما دروسك و قاعد في اول صف 
تحياتي للجميع
|
صديقي الحبيب أستاذ إيهاب المحترم
هذا هو المكان المناسب لطرح أسئلتك وأنا في انتظار هذه الأسئلة، لكن أرجو أن تتريث قليلا إلى أكمل نشر موضوعي عن الموازين، وسيكون من ثلاث أجزاء لأنه طويل، تقريبا أكملت تنقيحه.
ألف أهلاً وسهلا وألف سهلاً بك دوما
خالص المحبة
أحمد الجوادي