[عامر العراقي]

ولو الموضوع قديم لكن حبيت اضيف اضافه للامانة

الحاج زاير هو صاحب هذا الزهيري
تَّميت أحومي اعله شوفك بس أروحن ورد
أبغي وصالك وروم من المراشــــــف ورد
مفروض ذچرك علينه بالفرايــــــــض ورد
من حيث بسمك تتمّ افروضنه والدعــــــه
«رضوان» حسن الحواري بوجنتك ودّعه
والورد جدّم لوايح واشتچه وإدّعـــــــــــه
ويكول انته الورد چاليش تشْتــَــــم ورد

المقطع الاخير يقول
ويگول انته الورد چا ليش تشتم ورد
بعض الاخوان يكتبوها " وشلون " تشتم ورد وهذا خطأ

اما بخصوص هذا المطرب فأعتقد ان احد اقربائه لازالت في العماره وهي " ممرضة " متقاعدة في المستشفى الامريكاني
اسلمت وتزوجت ولها اولاد
والله اعلم