رد: الشاعر الشعبي عادل الغزالي
قلبي وعيني وروحى وعمري طوعك بيـن ايديـــك
للمـولى سلمتـــا أمـري ديـر اللي يرضيـــك
*********
القلب بلوعه توقـد نـاره ديمـا فـى طاريـــك
والعين بدمعـــه ذرذاره ما كفـت تبيـــــك
والروح تهاتـي محتــاره كـان أتصيـد اتجيــك
يا أحبيـب هابه لو تـدري مانعيـش إلا بيـــك
*********
حـن اشويا يا أغويليـــا روف الله يـهديــــك
طـول صدك طال عليـّــا صوانـه تاريــــــك
انـا ضعت أن ما تشقى بيــّا للمــــولى نشكيـــك
أنتـا رانك تحفر في قبـري يا قاســي بيديــــك
*********
ماهـو ذنبـي رادة ربـي دار الغيّـا فيــــــك
مكتوب اتعشعش في قلبـي والعيـن تغاليــــــك
حتـى انغيـاتـي ماتبـي عمـري منجافــيـــك
لعيونك ما يكمـل صبـري طايـل دوم عليـــــك
|