[guest]

المشاركة الأصلية كتبت بواسطة عادل صموئيل

احبائى
اشكر كل واحد فيكم فردا فردا
وزى ما وعدتكم نشوف موضوع سيد درويش بعد ما اخلص العيون السود

اقدم لكم
بأف مين ده

شكرا جزيلا استاذ عادل

النوتة جميلة و مظبوطة و تسلم ايدك و سهلة
الاسبوع الجاي واحدة سيد درويش تانية ؟ ولا ايه النظام ؟
و لا ناخدهم واحدة ورا التانية ؟ بصراحة مفيش مقارنة بين تدوينك ليها و نقش الفراخ اللي كان موجود قبل كدة
ايه رأيك في لحن الموظفين .. .. هز الهلال يا سيد .. انا متأكد مش هتاخد مع حضرتك ربع ساعة
و عن يقين تام .. مفيش نوتة للحن دة
لينك التسجيل , جودة مش وحشة
http://www.sama3y.net/forum/showthread.php?t=31522


بالمناسبة , استاذ خالد صدوق قام شاكرا بتدوين ( لحن الشيالين - شد الحزام علي وسطك ) و كان تدوين دقيق و سليم ايضا .. و ذلك لمنع التكرار و توفير الجهد مش اكتر
و طلب لو سمحت .. انا كنت ارفقت فيديو قبل كدة في صفحة 54 ل أغنية سيد درويش ( دة وقتك دة يومك يا بنت اليوم ) .. فيها ارباع في الكوبليه التاني .. يعني تاخدها معاك في السكة يا باشا ؟ دي
صغننة خالص و بنت حلال

التسجيل موجود برضه
اللينك للتسجيل
http://www.sama3y.net/forum/showthread.php?t=96383

اللحن التاني هو المطلوب ( دة وقتك دة يومك يا بنت اليوم ) ..
اللحن الاول حضرتك دونته خلاص ( بأف مين دة )

و عاوز اقول لكل اللي هيجربوا يلعبوا نوتات سيد درويش .. لو مفهمتش سيد درويش كان قصده ايه من الاغنية .. عمرك ما هتلعب النوتة باحساس مظبوط مهما كانت براعة المدون , سيد درويش كان قيمة تعبيرية اكثر منه قيمة موسيقية
يعني لو حللت موسيقيا اللحن هتقول هو دا سيد درويش ؟ دي موسيقي سهلة و بسيطة و داوشين دماغنا ب سيد درويش ! و كان هنا سر عبقريته , موسيقاه النوتة جنب النوتة مفيش يعني قفزات شاذة و لا عقارب تكنيكية موسيقيا .. كمثال في النوتة ( بأف مين دة ) .. في الجزء بتاع ( يا سيدي انت ) .. لو لعبتها زي النوتة طخ طخ طخ هتطلع ناشفة و جامدة .. و هي عاوزة دلع شوية
مش مكملة حتي مازورة الجزئية دي ( المازورة 24 )
سيد درويش كان مفكر .. و كان مكفر بضم الكاف لكل الزخارف و الحليات و الاصطناعات الموسيقية , و اهتمامه بالبناء التعبيري للحن كان كبير