[عادل صموئيل]

احبائى
اولا كل عام وانتم بخير بمناسبة حلول شهر رمضان المبارك وادعو الله ان يمن على مصر والامة العربية والاسلامية بالخير وبالبركات
بمناسبة شهر رمضان اقدم لكن بناء على الحاح البعض منكم

الراجل ده حايجننى

غناء صباح وفؤاد المهندس
هو اللحن من الناحية الموسيقية مالوش قيمة لحنية ,, لأن الالحان الكوميدية بتبقى الموسيقى فيها سهلة لأن القيمة فيها لكلمات الاغنية ... واعلمكم سر من اسرار التلحين .. ان اللحن الكوميدى لما بيكون فيه مطرب اوى زى صباح ومعاه ممثل كوميدى مش شرط انو يكون بيغنى 100 % هنا الملحن اللى بيفهم بيحاول يعمل اللحن بسيط بقدر المكان بحيث انو يكون ممتع وما يكونش فيه اخطاء .. وطبعا كلمة بسيط يعنى بسيط وحلو مش لحن تافه زى الحان دلوقتى
انا لفت نظرى لما صباح فكرتنى بأم زمان ايام العز لما كان الجنيه المصرى جنيه كان الفتوة وكان بيساوى خمسة دولار
لما قالت وطيور بجنيه وريال يعنى 120 قرش مصرى ... تخيل بالمبلغ الكبير ده فى وقتها كان بيجيب مش طير ولكن طيور
وتخيلت النهاردة لو واحد راح عند بتاع الفراخ وقال لو عايز بجنيه وريال ... اما يديه ريشة او يتغاظ منه وياخد رقبته بالسكينة
مع اطيب تحياتى