[guest]

اضم صوتي الي صوت الاخوة المنادين ب تأسيس جمعية او رابطة باسم سماعي

الحقيقية الفكرة كانت في دماغي من كام يوم و كنت بفكر في طرحها و كنت بعمل دراسة عن الموضوع دة ازاي يتم ..
و فوجئت بطرحه من احد الاعضاء و دي حاجة جميلة جدا

ما توصلت اليه .. انه ل تأسيس جمعية ايا كان نشاطها ( الموضوع دة محتاج محامي ) بتسحب طلب ب 50 جنيه و بتستوفي بعض البيانات زي نشاط الجمعية و مقر الجمعية و بعض الاجراءات القانونية و شهادة عدم التباس للتأكد من ان الاسم مش مكرر
و بعدين بيتم اشهار الجمعية و بتكون مراقبة من جهة ما كدة مش فاكر اسمها

بالنسبة للتمويل .. هنا تكمن المشكلة .. حلها ايه دي ؟
أنا بصراحة لو قلت لحد ان بجيب النوتة كدة ببلاش هيفتكرني بشتغله .. لأني بيطلع تلاتة .......... عشان نوتة و ادور في المحلات و بعدين بقي نيجي نفاصل .. لازم تشتري الكتاب كله .. طب يا عم اصورها و خد حسنتك .. جو كدة كله يعني !
انا عارف ان سماعي قايمة علي الجهود الذاتية
حسبة بسيطة .. الاعضاء تجاوزوا ال 651000
فيها ايه يعني لو عملنا الاشتراك حاجة رمزية سنويا 10 جنيه مثلا ! 10 جنيه في السنة مش هتزعل حد
مش بقول كله هيدفع
مانا كل يوم جمعة بفتح باب الاشتراكات
ييجي واحد محترم علي العين و الراس
ييجي واحد يقوم ينزل غنوة و ماشي
ييجي واحد رزل يشتم و يمشي و المراقبين يمسحوا الكلام و يشيلوه من سماعي .. ( هو المراقب دة يعني شغال لله و الوطن )
ييجي الرزل دة اللي فاكر نفسه عسلية يعمل حساب تاني ب اسم تاني و يكمل غتاتة و الحدوتة تاني تتكرر !
و تقلت يا عم علي السيرفر و ضيعت وقت الناس
و السيرفر دة مش بيتدفعله فلوس في الاول .. و بعدين تطويره مش محتاج ضخ تاني ؟ علي حساب مين الكلام دة ؟!
مش لو عملنا الاشتراك ب 10 جنيه .. دة هيضمن الالتزام ؟
طرق الدفع تكون ب كروت الائتمان او نقدا في حساب بنكي او تحويل ( العالم بقي اصغر من خرم الابرة ) لو في الصين و عاوز تدفع هتدفع .. مش عاوز سيب مكان في السيرفر ل غيرك
اعتقد يعني الكنوز اللي جوا سماعي اكتر ب كتيييييييييييييييييييييييييييييييير من 10 جنيه في السنة
مثال صغير
شوف عادل بيه رفع كام نوتة .. لو كل واحد نزل نوتة دفع تمنها جنيه واحد بس ( كتير جنيه ؟ ).. كان زمانه جاب مرسيدس يا راجل
و الفلوس دي يتم توجيها في سبل كتير
يتعمل فرقة
تاخد ارض و تبني مسرح .. ليه لأ !
مش هدف سماعي نشر التراث ؟! و الحفلات دي برضه تكون ب تذاكر رمزية 5 10 جنيه .. و لو فيه اقبال و طلب نعملها ب 15
نشاطات خيرية و تعليمية ..

الكلام كتير الحقيقة

اتمني اكون وصلت جزء من فكرتي
ايهاب
اعتمد يا سماعي المشاركة و انشر
انا خلصت كلامي

الاخ العزيز
مشكورا اشكرك بس فيه حاجة مهمة جدا
ان ادارة المنتدى ممنوع نتكلم فى موضوع الفلوس
يعنى المنتدى مجانى للأعضاء والاخ العزيز الكريم محمد زمنطر هو متكفل بنفقات السيرفر ومصارف التجديد وكل شىء ولم يبخل ابداً ... هو لو اتوجد مكان ممكن الاعضاء يتقابلوا فيه بدون ان اى حد يدفع فلوس ممكن تبقى فكرة وجيهة
لأن الرابطات اللى بيدفعوا فلوس دى اولا بيبقى ليها ظروف ولكن بتحصل منها مشاكل ... لكن لما يبقى مكان واصدقاء بيقابلوا فيه اعتقد ماحدش يبقى لو عندهم حاجة طالما مالهمش دعوة لا بالسياسة ولا بأى حاجة
مع اطيب تحياتى