[انور الحارث]

المشاركة الأصلية كتبت بواسطة ehabalaaeldin

سيد انور

انا كانت فاكر انها كلمة لبناني بسبب ان كان فيه شاعر ( مش فاكر اسمه ) قال : يا أمة الهنك و الرنك .. لن يرضي الله عنك .. و كان قصده بيها ان الكلام الكتير هيضيع لبنان في ايد اللي بالي بالك .. ربما تكون تركية تأثرا بالعثمانيين ايامها , جايز .. معنديش معلومة اكيدة

حسب معاوماتي المتواضعة في الموضوع دة

الاسلوب دة كان متبع في نوع من انواع الغناء زمان ( الادوار)

والدور بيتكون من مذهب و غصن .. مذهب غصن و هكذا
المذهب يعني البدايات أو الداخلة و يؤديه بالكورال
الغصن يؤديه المطرب أو المغني
و بعدين الهنك ( الكورال يقول الغصن ) و في نفس الوقت المغني بيجلجل صوته كدة و يتنقل ب صوته و يستعرض بين المقامات
و بعدين مذهب و غصن .. الرنك عكس الهنك
بمعني

الهنك اول مرة ( الكورال كان يغني الغصن و المغني يتحرر ب أهات و تنقلات )
الرنك تاني مرة ( الكورال هو اللي بيقول الاهات لحد المذهب تاني )
الهنك و الرنك .. تناوب بين المغني و الكورال
زمان يا سيد انور .. ماكانش فيه اهتمام قوي ب عنصر الموسيقي ( يعني الفواصل الموسيقية و اللازمة و ما شابه )
اذا هي مش بينها و بين الموسيقي
هي بينها و بين الكورال او الكورس
و يبكون في تناوب بين المغني الرئيسي و الكورس ( ان صح التعبير المنشدين )

انا معنديش امثلة غنائية للاسف ( النوع دة من الغناء خلص من زمان يا رجل )

فهمت حاجة بقي من الهلك دة ؟

اتمني اكون افدتك

طبعاا فهمت اخى العزيز ايهاب

لقد شرحت ووضحت بمافيه الكفاية يؤكد كلامك الدكتور فكتور سحاب فى احدى ابحاثه حول ادوار الغناء عند ام كلثوم.

انهاا الحوار بين الجوقة والمطرب

تذكرت شئيا حول قولك انهااا شغل حلب والشام

نقول (طق حنك).

لقد وصلت المعلومة استاذ ايهاب الف الف شكر لك على التوضيح

جزاك الله كل الخير

احلى واطيب تحية من

اخوك:

انور الحارث