كلمات : بخيت بيومي
ألحان : فؤاد حلمي
طير و طاير
طير و طاير فى العلالى
حط عندى ع الحـــــــدود
قلت جــــاى منين يا غالى
قال لى من ارض الجــدود
و الله هنعيد الليالى
قول لى كيف الناس فى يافا
قال لى عال و كــــــــويسين
قـــــــــــــلت له و ازاى حيفا
احكـــــــــــى دا احنا مشتاقين
مشتاقين ... نسمع خبر
مشتاقين ... حتى لأثر
بان أساه من بين عينيه
و الجواب ظــــهر عليه
قت ابه ... ايه ... ايه
قال لى والله الحال عدم
و اللى كان مبنى اتهـدم
جوع وفقر و خير مفيش
عيش زمان اصبح لقـــــم
قلت طب و البيـــــــارات
و المــــــروج الخضر فين
قال كأنـــه كله مات
واحنا منه محرومين
قلت مين ..مين.. مبن
دا احنا اصحـــاب البلد
و احنا كل حـــاجة فيها
و الغريب اللى اتــــوجد
ما نسيبوش يتهنى بيــها
روح و خد للأهل بشرى
قول لهم راح نيجى بكره
نيجى جايبين البشـــــــــاير
جيش كبيــــر ع الظلم ثاير
قال لى حاضر حاضرحاضر
__________________
قالوا لي... الناس معادن من أغلى المعادن
أنا قلت... الناس كنوز... دهب و ياقوت و ماس
و الحب أغلى معدن موجود في قلب الناس