كلمات : عبد الفتاح مصطفى
الحان : أحمد صدقى
حـــديد اســـــــوان
هنا فتيان بعزم رجال
يشقوا الصخر و الصوان
و يبنوا عزة الاوطان
على منجم حديد اسوان
حديد بنمد من فوقه
و كنا عبيد
و شب المصرى عن طوقه
لعهد جديد
نبش فى الارض من شوقه
لقاها حديد
صهر روحه و خلاها
بقت نيران
و صحى مصر و اداها
حديد اسوان
هنا فتيان بعزم رجال
يشقوا الصخر و الصوان
و يبنوا عزة الاوطان
على منجم حديد اسوان
عروق القوة دى جوا
فى ارض النيل
تمد عروقنا بفتوة
و عزم اصيل
و نبنى منها بالقوة
حضارة جيل
كنوز الدهر خباها
زمان زمان
و صحى مصر و اداها
حديد اسوان
هنا فتيان بعزم رجال
يشقوا الصخر و الصوان
و يبنوا عزة الاوطان
على منجم حديد اسوان
صنعنا فى ارضنا سلاحنا
بايدينا احنا
ما عدش غريب يسلحنا
و يدبحنا
يا نحمى بايدينا ارواحنا
يا روحنا
عهود ياما قاسيناها
و شوفنا هوان
و عزة مصر احياها
حديد اسوان
هنا فتيان بعزم رجال
يشقوا الصخر و الصوان
و يبنوا عزة الاوطان
على منجم حديد اسوان
__________________
قالوا لي... الناس معادن من أغلى المعادن
أنا قلت... الناس كنوز... دهب و ياقوت و ماس
و الحب أغلى معدن موجود في قلب الناس