لعبة الأيـــــــــــــام
*****
كلمات علي مهدي
ألحان : رياض السنباطي
****
تضحك لك الايام ..تهجر وتنسانى
تغدر بك الايام ترجع لى .. من تانى
بتغيرك ايام .. وتبدلك ايام
وبتجينى تلاقينى مع الماضى
مع الذكرى مع الاحلام
عشان قلبى انا اوفى من الايام ..
يا لعبه الايام .. يا لعبه الايام .. يا لعبه الايام ..
يا لعبة الايام ارتاح وريحنى
ياما غلبت كلام ولا مره تسمعنى
بتخدك الايام اعيش بجرحك
وتجيبك الايام اعيش لجرحك
بتغيرك ايام .. وتبدلك ايام
وبتجينى تلاقينى مع الماضى
مع الذكرى مع الاحلام
عشان قلبى انا اوفى من الايام ..
يا لعبه الايام .. يا لعبه الايام .. يا لعبه الايام ..
فى يوم ما الدنيا تغدر بك
وايام الهنا تخونك
وايام الضنا تذلك
تجينى وتفتكر حبك
واشوف الذل فى عيونك
اقول نفسى فدى ذلك
يا اغلى عندى من نفسى
ما بين املى وبين يأسى
ضنانى الصبر وجروحى
ولولا بقيا من رسمي
وحرف وكلمه من اسمي
لتاهت عينى عن روحي
يا اللى هواك كاسين
احلى ما فيهم مر
والصبر ع الاتنين
داق العذاب والمر
بتاخذك الايام عيش بجرحك
وتجيبك الايام اعيش لجرحك
بتغيرك ايام .. وتبدلك ايام
وبتجينى تلاقينى مع الماضى
مع الذكرى مع الاحلام
عشان قلبى انا اوفى من الايام ..
يا لعبه الايام .. يا لعبه الايام .. يا لعبه الايام ..
******