طرحت موضوع جميل يا أخي
بس احب اقولك ان الفن الشعبي مش شعبان عبدالرحيم ولا احمد عدويه ولا سعد الصغير
دول عالم بتوع رقص وصالات وغرز
مش دول هم ممثلين الشعب وحافظين التراث
ابحث عن التراث والفن الشعبي الحقيقي عند الفنانيين اللي قدمهم عم زكريا الحجاوي
الفن الشعبي تلاقيه عند السواحليه فى مدن القناة وجنوب سيناء والبحر الاحمر والمطرية على رنة السمسمية
الفن الشعبي فى ربابة عم جابر ابوحسين لما يحكي لك عن ابوزيد والهلايل ومتقال لما يقول البت بيضه وانا اعمل ايه
اسمع العظيمة بدرية السيد وهي بتقول موال السن بالسن وبتشتكي من غزال هرب منها ....... وفاطمه سرحان لما تقول تحت الشباك
تذوق الفن الشعبي من اهل الباديه لما يقولوا فى ليالي العرس : ريدها ريدها .... ... كيف ما ريدها ..... .... طفلة يا هلي والعسل بـ ريقها
فن الكف فى صعيد مصر .......... ربيع البركه لما يقول الدنيا سلف ودين
التراث النوبي الغني اللي هو اصل مصر والاستاذ عم كل النوبيين الحاج احمد منيب
احكي عن مين واقولك على مين ومين اللي يسمع
هو دا الفن الشعبي اللي احنا لازم نحافظ عليه لانك بتشم منه ريحة طين مصر وعرق المصريين طول السنيين اللي فاتت واللي جايه
|